अछाम : जिल्लाको प्रमुख ब्यापारिक केन्द्र साँफेबगरमा सातौ महोत्सव हुने भएको छ । महोत्सव आयोजना हुने मिति नजिकिएसँगै तयारी पनि तिव्र रुपमा अघि बढेको छ ।

‘स्थानीय उत्पादन, कला, संस्कृति तथा पर्यटन प्रर्वद्धन’ भन्ने मुल नाराका साथ लायन्स क्लव अफ साँफेबगरको आयोजनामा माघ ११ गतेदेखि २० गतेसम्म साँफेबगर महोत्सवको आयोजना हुँदै छ ।

महोत्सवमा आउने राष्ट्रिय एवंम् स्थानीय कलाकारको पनि करिब टुंगो लागेको कलाकार समन्वय उपसमितिका संयोेजक भरतबहादुर खड्काले जानकारी दिए । यो वर्ष केही नयाँ र केही पूराना कलाकार आउने निश्चित भएको उनले बताए ।

कलाकारको नामको टुंगो लागेपनि मिति केही दिनमा टुंगिने उपसमितिका संयोजक खड्काको भनाइ छ ।

यो वर्ष राष्ट्रिय कलाकारमा चर्चित दोहोरी गायिक शान्तिश्री परियार, प्रकाश दुतराज, समिक्षा अधिकारी, अस्मिता अधिकारी, खेम सेन्चुरी, रमेशराज भट्टराई आउने भएका छन् । यस्तै ज्योति मगर, चक्र वम, टंक तिमिल्सैना, अर्जुन सापकोटा महोत्सवमाा आउने बताइएको छ ।

अन्य कलाकारमा शान्ति रानी, एन्जिला रेग्मी, ईव्सल सन्ज्याल, लालबहादुर धामी, प्रकाश थापा, रेखा जोशी, पशुपति खनाल, टेक वोगटी, गौरी भट्ट, सृजना खत्री, आशिष महर लागायतका कलाकार आउने कलाकार समन्वय उपसमितिका संयोजक खड्काले जानकारी दिए ।