अछाम: १५ औ तुर्माखाँद गाउँपालिका स्तरीय राष्ट्रपति रनिङ शिल्ड प्रतियोगिता तोषी मा. बि कलस्टरले ११ स्वर्ण, १० रजत र ३ कास्य जम्मा २४ पदक जितेर प्रथम स्थान हासिल गरेकाे छ ।

श्री कालिकेश्वरी मा. बि नाडा कलस्टरले ९ स्वर्ण ४ रजत ४ कास्य गरि जम्मा १७ पदक जितेर दोश्रो स्थान, सुर्य मा. बि भुलुले ४ स्वर्ण ८ रजत ९ कास्य गरि जम्मा २१ पदक गरि तेस्रो स्थान हासिल गरेको छ ।

भैरव मा. बि लकान्द्र कलस्टरले २ स्वर्ण, ४ रजत १० कास्य गरि जम्मा १६ पदक जितेर सान्त्वना स्थान प्राप्त गरेको छ।

शनिबार सम्पन्न भएको प्रतियोगितामा तुर्माखाँद गाउँपालिका पालिका भरीका १२ ओटा माद्यामिक विद्यालयहरु रहेको सहभागिता रहेकोमा चार कलस्टर गरि २४० जना बिद्यार्थीहरुको सहभागिता रहेको थियो । 

प्रतियोगिता समापन समारोहमा विजेताहरुलाई शिल्ड, मेडल र प्रमाण पत्र वितरण गरिएको थियो । तुर्माखाँद गाउँपालिका वडा न. ८ का अध्यक्ष निरक बहादुर शाहीको अध्यक्षतामा भएको समापन कार्यक्रममा तुर्माखाँद गाउँपालिकाका अध्यक्ष डम्बर बि. सी प्रमुख अतिथी रहेका थिए ।

बिशिस्ट अतिथी गाउँपालिका उपाध्यक्ष बिमला शाही , निमित्त प्रमुख प्रशासकीय अधिकृत चक्रदेव भट्ट ७ न. वडा अध्यक्ष भिम बहादुर चलाउने शिक्षा शाखा प्रमुख भिम बहादुर चलाउने राजनितिदलका पाटी प्रतिनिधी सबै सरोकारवालाको उपस्थित रहेकाे थियाे ।

कार्यक्रम संञ्चालक शिक्षा शाखामा कार्यरत सहायक पाँचौ जिवनराज न्याैपानेले गरेका थिए ।