अछाम ः जिल्लाको साँफेबगरबाट २५ हजार मा सुदूरपश्चिमकै प्रमुख पर्यटकिय तथा बढीमालिकाको अवलोकन गर्न सकिने भएको छ । लाईन्स क्लब अफ साँफेबगरले आयोजना गर्न लागेको सातौँ साँफेबगर महोत्सवको अवसरमा हेलीटुर मार्फत बढीमालिकाको अवलोकन गर्न उक्त अफर राखिएको हो ।

महोत्सवमा मुख्य आर्कषको रुपमा राखिएको हेलीटुर प्याकज अन्र्तगत पर्यटकिय क्षेत्र खप्तड र रामारोशनका लागि पनि सो अवसर खुला गरिएको छ । ‘स्थानीय उत्पादन, कला, संस्कृति तथा पर्यटन प्रर्वद्धन’ भन्ने मुल नाराको साथ माघ ११ गते देखि २० गतेसम्म आयोजना हुने महोत्सव अवधिभर बढीमालिका, खप्तड र रामारोशन हेलीटुर गर्न सकिने छ ।

माघ ११ देखि २० सम्म धनगढी देखि साँफे नियमित हवाई सेवा ।

साँतौँ साँफेबगर महोत्सव अवधिभर धनगढी साँफेबगर धनगढी नियमित हवाई सेवा पनि सञ्चालन हुने महोत्सव मुल आयोजक समितिले जनाएको छ ।

दिनमा एक पटक नियमित प्लेन चार्टरका लागि समिट एयरसंग सहमती भएको छ, महोत्सव मुल आयोजक समितिका संयोजक कृष्ण कुँवरले भने धनगढी देखि जम्मा ४० हजारमा बढीमालिका घुम्न र अवलोकन गर्न सकिनेछ ।

धनगढी मार्फत प्लेनमा साँफेबगर र साँफेबगर देखि बढीमालिका, खप्तड र रामारोशन हेली टुर प्याकेज राखिएको छ । सो बाफत ४० हजार प्रति व्यक्त खर्च लाग्ने बताईएको छ ।

#sudooraaja