अछाम ः जिल्ललाको तुर्माखाँद गाउँपालिका वडा न ५ नाडामा केन्द्रिय विधुत प्रसारण लाईन पुगेको छ । यो संगै तुर्माखाँद गाँउपालिकाका सबै वडामा केन्द्रीय प्रसारण लाईन पुगेको हो । वडा नं. ५ मा प्रसारण लाईन पुगेपछि एक कार्यक्रमका बिच उद्घाटन गरिएको छ । वडाध्यक्ष महेन्द्र बहादुर शाहीको अध्यक्षतामा भएको कार्यक्रममा पालिका अध्यक्ष डम्बर बिसी प्रमुख अतिथि रहेका थिए ।

अध्यक्ष बिसीले प्रसारण लाईन पालिकाका सबै पडामा पुगेपछि अब नागरिकलाई सहजता हुने बिश्वास गरे । यसअघि अन्धकारमा बस्न बाध्य नागरिकलाई कामकाज लगायत बिद्यार्थीहरुलाई समेत पठनपाठनमा सहजता हुने अध्यक्ष बिसीले बताए ।

प्रसारण लाईनको उद्घाटन कार्यक्रममा उपाध्यक्ष बिमला शाही र अछाम बितरण केन्द्रका प्रमुख हिक्मत बहादुर बढा बिशिष्ट अथिति रहेका थिए । यस्तै ४ न वडा अध्यक्ष पदम बहादुर बि।सी, कार्यपालिका सदस्य दमन घर्ती, वडा सदस्यहरु, ईकोहिमाल नेपालका प्रतिनिधी बिरेन्द चन्द, राजनीति दलका पार्टी प्रतिनिधी, समाजसेवी लगायतको उपस्थिति रहेको थियो । गाउँमा बिजुली पुगेपछि स्थानीयहरु खुशी भएका छन् ।

सोही अवसरमा पोषण खानेकुरा प्रदर्शनी तथा देउडा मेला कार्यक्रम समेत सम्पन्न भएको छ । ूस्थानीय कला संस्कृतिको सम्र्बद्धन, पोषण खाना हाम्रो प्रवर्द्धन भन्ने मुल नाराका साथ पोषण खानेकुरा प्रदर्शनी तथा देउडा कार्यक्रम गरिएको हो । स्थानीय स्तरमा उत्पादन भएको खानेकुरा उक्त प्रदर्शनीमा राखिएको थियो भने उत्पादन गरेका ल्याएका कृषकलाईलाई नगद पुरस्कार सहित सम्मान गरिएको थियो ।

ईको हिमाल नेपालको आर्थिक तथा प्राविधिक सहयोगमा ५ नम्बर वडा कार्यालय तुर्माखाँद अछाममा पोषण मेला सम्पन्न हो । अब देखि सो वडाका बिद्यालयमा स्थानीय पोषण खानाको प्रयोग विद्यालयको दिवा खाजामा समाबेश गरिने भएको छ । यस्तै स्थानीय परिकार छनौट भई उद्यमशीलता विकासमा सहयोग पुगी युवा तथा महिला स्वोरोगार हुने छन् ।