अछाम । मंगला नेरा मावि मंगलसेन नगरपालिका वडा नम्बर ९ वलिगाउमा कक्षा १२ मा अध्ययनरत विद्यार्थीको विदाई गरिएको छ । विद्यालयमा साधारण र प्राविधिक धार तर्फमा अध्ययनरत विद्यार्थीलाई टीका र दोसल्ला सहित बार्षिक परीक्षाको सफलताको शुभकामना व्यक्त गरिएको थियो ।

विद्यालयका प्रधानाध्यापक मीन बहादुर भण्डारीको अध्यक्षतामा भएको कार्यक्रममा विद्यालय व्यवस्थापन समिति अध्यक्ष रमेश बहादुर रावल प्रमुख अतिथि रहनु भएको थियो ।

प्रमुख अतिथि रावलले विद्यार्थीको सफलताको शुभकामना व्यक्त गर्दै हरेक ठाउँमा विद्यालयका विद्यार्थीले अनुशासित भएर अघि बढन सुझाव दिनु भयो । प्रत्येक विद्यार्थी हरेक क्षेत्रमा सफलता हासिल गर्दै गए विद्यालयको नाम आउने बताए । सोही अवसरमा कक्षा १२ का बिदाई भएर जाने विद्यार्थीले विद्यालय प्रशासनलाई मायाको चिनो हस्तान्तरण गरेका थिए ।

कार्यक्रम विद्यालय साधारण धार ११/१२ संयोजक कर्ण बहादुर बिष्ट, प्राविधिक धार ईन्जिनियर बिकास साउद, विद्यार्थीको तर्फबाट रामराज रोक्कामगर, आयुष भट्टले मन्तव्य राख्नु भएको थियो ।

कार्यक्रमको संचालन विद्यालयका लेखापाल कमल कुमार रावलले गर्नु भएको थियो ।