अछाम : अछामको बान्नीगढी गाँउपालिकाको केन्द्र जयगढ बजारमा हिजो राति भएको आगलागी घट्नाको बारेमा पूर्व मन्त्री तथा प्रतिनिधि सभा सदस्य शेर बहादुर कुवँरले गृहमन्त्री रमेश लेखकलाई जानकारी गराएका छन् । आगलागी पिडितलाई तत्काल राहत उपलब्ध गराउन पूर्व मन्त्री कुवँरले गृहमन्त्री लेखकलाई आग्रह गरेका हुन् ।

पूर्व मन्त्री कुवँरको नेतृत्वमा गएको टोलीले गृहमन्त्री लेखकलाई भेट गर्दै आगलागी पिडितलाई तत्काल राहत उपलब्ध गराउन ध्यानाकर्षण गराएका छन् । गृहमन्त्री रमेश लेखकले विपद् व्यावस्थापनका कायृकारी प्रमुख दिनेश भटट्लाई तत्काल अस्थायी टहरा निर्माण र राहत उपलब्ध गराउन निर्देशन दिएका छन् ।

यस्तै गृहमन्त्री लेखकले अछामका प्रमुख जिल्ला अधिकारी ज्युलाई फोन मार्फत तत्काल राहत उपलब्ध गराउन र आवश्यक सहजीकरण गर्न निर्देशन दिएका छन् । गृहमन्त्री संगको भेटमा साँफेबगर नगरपालिकाका पूर्व नगर प्रमुख कुल बहादुर कुवँर लगायतका व्यक्तीहरुको सहभागीता रहेको थियो ।