अछाम ः बयालपाटा प्रादेशिक अस्पतालमा आकस्मिक प्रसुती शल्यक्रिया सेवा समेत सुचारु भएको छ । डा. जोशी संगै मन्त्रालयले एडभान्स एसबिए डा. राजपती शाहलाई समेतलाई अस्पतालमा खटाएपछि आकस्मिक प्रसुती सेवा सुचारु भएको हो ।

जस अन्र्तगत बुधबार साँफेबगर नगरपालिका वडा नं. १० की एक महिलाको दोश्रो शिशुलाई शल्यक्रिया मार्फत प्रसुती गराईएको छ । २१ बर्षिय जमुना भुलले पहिलो बच्चालाई स्वास्थ्य चौकीमा जन्म दिएकी थिई्न ।

जटिल अवस्थमा स्वास्थ्य चौकी बाट रेफर भई बयालपाटा प्रादेशिक अस्पतालमा आएकी उनको शल्यक्रिया मार्फत दोश्रो शिशुलाई निकालिएको शल्यक्रियामा संलग्न रहेका डा. जोशीले बताए ।

बच्चा उल्टो फर्केको अवस्थामा रहेका कारण पनि उनको शल्यक्रिया गर्नुपरेको डा. जोशीले बताए । शल्यक्रियामा डा. जोशी संगै, एडभान्स एसबिए डा. राजपती शाह, एनेस्थेटिस्ट महेन्द्र कुवँर, नर्स राजेश्वरी केसी, बिमला स्वाँर र सहयोगी बसन्ती ताम्राकार संलग्न रहेका थिए ।

यस संगै अस्पतालले सामान्य तथा आकस्मिक खालका हाडजोर्नी तथा अन्य शल्यक्रिया समेत सुरु गरेको डा. जोशीको भनाई छ ।