‘त्यो बेला महिलाले खेल्नु पर्छ भन्ने मानसिकता नै थिएन तर पनि सबै परिस्थितीको सामना गर्दै अघि बढेँ ‘

अछाम : अछामको पहिलो महिला भलिबल खेलाडीको रुपमा चिनिने नाम हो निता शाह । जिल्लाको बान्नीगढी जयगढ गाँउपालिका दर्नामा जन्मिएकी शाहले २०५२ साल बाट भलिबल खेल्न सुरु गरिन् । आफ्नो गाँउमा निमावी स्कुल भएका कारण जिल्ला स्तरिय प्रतियोगिता खेल्न नपाईने भन्दै उनले कालागाँउमा रहेको अन्नपूर्ण माबीबाट तत्कालिन समयमा हुने विरेन्द्र सिल्डबाट खेल्न सुरु गरिन् ।

दर्नाको ऐश्वर्य निमावीबाट पढाई संगै १४ बर्षको उमेरमा भलिबल संग साईनो जोडेकी निताले २०५४ मा कालागाउको अन्नपूर्णबाट एसएलसी सम्मको शिक्षा पुरा गरिन् । आफुले भलिबल खेल्ने बेला न खेलकुदका समाग्री हुन्थे, न खेल मैदान, न कुनै प्रशिक्षण निता भन्छन् दुख गर्दै खेललाई निरन्तरता दिँए । त्यो बेला महिलाले खेल्नु पर्छ भन्ने मानसिकता समेत थिएन उनि भन्छन् घरपरिवार बाट समेत भलिबल खेल्न छुट थिएन तर आफुले यी सबै परिस्थितीको सामना गर्दै अघि बढेँ ।

जिल्लामा हुने बिभिन्न प्रतियोगितामा सहभागी हुदैँ उनि २०५३ सालमा धनगढीमा भएको राष्टिय खेलकुद प्रतियोगितामा सहभागी भईन् । सुदुरपश्चिम प्रदेशबाट राष्ट्रिय खेलमा सहभागी उनको टिमले त्यो बेला नै तेश्रो स्थान हासिल गर्यो । त्यसअघि उनले अछामको नेृतत्व गर्दै महेन्द्रनगरमा भएको तत्कालिन क्षेत्रिय प्रतियोगितामा समेत उत्कृष्ट प्रर्दशन गरकी थिईन् ।

निता संगै सो प्रतियोगितामा अछामबाट मोती भाट, सुनिता शाह र सरस्वती नेपाली समेत सहभागी भएकी थिईन् । २०४३ देखि ५३ सम्म १० बर्ष कुनै महिला भलिबल प्रतियोगिता नै नभएको निता बताउछन् । आफ्नो ब्याच नै ४३ पछिको पहिलो भएको उनको भनाई छ ।

सन् १९९९ मा नेपालमै आयोजना भएको ८ औँ दक्षिण एशियाली खेलकुद प्रतियोगिताका सागका लागि निता छनोटमा परेपनि खेल्ने अवसर पाईनन् । उनि सम्झन्छन् त्यो बेला दुर्गमका भनेर सुदूरपश्चिमका मान्छेलाई हेप्ने प्रवृती हाबी थियो, पहुँच भएकाहरुको हालीमुहाली थियो । हुन त अहिले पनि त्यो छ तर अहिलेको भन्दा पहिले बढी दब्दबा थियो । राम्रोलाई भन्दा हाम्रोलाई प्राथमिक्ता दिने गरेका कारण आफु खेल भन्दा बाहिर हुनु परेको उनको गुनासो छ ।

तर आफुले जसरी पनि खेल्नु पर्छ भन्ने अठोट राखेर अघि बढे, कुनै अवस्थामा पनि भलिबल नछोडन्े मनस्थितीमा पुगेर खेललाई निरन्तरता दिएको उनि बताउछन् । आफ्नो खेल राम्रो भएकै कारण होला उनि भन्छन् २०५७ मा मलाई महेन्द्र पुलिस क्लबले आफ्नो टिममा समाबेश गरायो ।

त्यसपछि सन् २००६ मा भएको १० औँ दक्षिण एशियाली खेलकुद प्रतियोगितामा खेल्ने अवसर नितालाई मिल्यो । उनि संगै सुदुरपश्चिमबाट छनोट हुदैँ मोती भाटले पनि सो प्रतियोगितामा सहभागी भएर आफ्नो प्रर्दशन गरिन् । निता संगै मोती भाट पनि ४ बर्ष बढी पुलिस क्लबमा आबद्ध भएर भलिबल खेलिन् । सन् २००६ मै भएको एशियन बिच भलिबल प्रतियोगितामा समेत उनीहरु सहभागी भईन् ।

उक्त खेलमा निताले राम्रो प्रर्दशन गरिन् र तेश्रो स्थान स्थान हासिल गरिन् । त्यो उनको भलिबल खेल जीवनमा बिर्सन नसकिने क्षण थियो, जुन क्षण उनि अहिले पनि सम्झन्छन् । सन् २००८ मा भएको अन्तराष्ट्रिय बिच भलिबल प्रतियोगितामा समेत उनको टिम तेश्रो भयो । २००९ मा बंगलादेशमा भएको खेलमा समेत उनले प्रतिष्पर्धा गरिन् ।

अछाम हुदैँ सुदूरपश्चिमको समेत महिला भलिबलको नेतृत्व सम्हालेकी नितालाई २०५७ देखि २०७२ सम्म पुलिस क्लबको टिम क्याप्टेन हुने अवसर मिल्यो । त्यसपछिका देश भित्र भएका प्राय सबै राष्ट्रिय प्रतियोगिता खेलेकी निताले सन् २०१२ मा चिनमा भएको बृहत एशियन खेलमा समेत सहभागी भईन् ।

भलिबलमा हुने लेबल १ र २ तालिम कोर्स पुरा गरेकी निताले प्रशिक्षक र राष्टिय रेफ्रि भएर काम गरको अनुभव छ । ८ आँै राष्टिय खेलकुद प्रतियोगितामा प्रशिक्षक भएर काम गरेकी निता शाह हाल कामको सिलसिलामा दुबईमा छन् । फेरी पनि नेपालकै खेल क्षेत्रमा केही गरौँ भन्ने चाहाना छ उनीमा, भन्छन् अब नेपाल फर्केर खेल क्षेत्रमै लाग्नेछु ।