काठमाण्डाै – भारत भ्रमणमा रहनुभएका प्रधानसेनापति प्रभुराम शर्मा र भारतीय सेनाध्यक्ष एमएम नरवणेबीच भेटघाट तथा छलफल भएकाे छ । 

भेटवार्ताका क्रममा नेपाली सेनाका प्रधान सेनापति र भारतका स्थल सेनाध्यक्षबीच आपसी हित र पारस्परिक सम्बन्धका विषयमा द्विपक्षीय छलफल भएको थियो । 

छलफलअघि प्रधानसेनापति शर्माले राष्ट्रिय समर स्मारकमा वीर शहीदहरूको सम्मानमा पुष्प गुच्छा अर्पण गर्नुभएको थियो । त्यसैगरी उहाँको सम्मानमा साउथ ब्लक लनमा भारतीय सेनाको एक टुकडीले सम्मान गारद अर्पण गरेको थियो ।