काठमाडौं – पछिल्लो २४ घण्टामा देशभर ११ सय २० जना कोरोना संक्रमित थपिएका छन्। थपिनेमा ३२० जना महिला र ८०० जना पुरुष छन्।

याेसँगै संक्रमितकाे कुल संख्या ४१ हजार ६४९ पुगेकाे छ। 

आजको दिनमा देशभर १८ हजार १०८ जना सक्रिय संक्रमित छन्। यीमध्ये होम आइसोलेसनमा ७ हजार ६१५ जना र १० हजार ४९३ जना संस्थागत आइसोलेसनमा छन्।

पछिल्लो २४ घण्टामा १ हजार ११२ जना डिस्चार्ज भएका छन्। डिस्चार्ज हुनेको कुल संख्या २३ हजार २९० पुगेको छ।

पछिल्लाे २४ घण्टामा १२ जनाकाे मृत्यु भएकाे छ। याेसँगै मृतककाे संख्या २५१ पुगेकाे छ।