काठमाडौं- पछिल्लो २४ घण्टामा नेपालमा १ हजार ४१ जनामा कोरोना संक्रमण पुष्टि भएको छ। जसमध्ये ३४९ जना महिला र ६९२ जना पुरुष छन्।

यो सहित नेपालमा कोरोना संक्रमण पुष्टि हुनेको कुल संख्या ४५ हजार २७७ छ।

आज नेपालमा सक्रिय संक्रमितको संख्या १७ हजार ८७० छ। जसमध्ये ९ हजार ८६६ जना संस्थागत आइसोलेसनमा र ८ हजार ४ जना होम आइसोलेसनमा छन्।

पछिल्लो २४ घण्टामा १२ हजार ४७३ जनाको पीसीआर नमुना परीक्षण भएको छ। यो सहित हालसम्म नेपालमा जम्मा ७ लाख ५७ हजार ९६३ जनाको पीसीआर नमुना परीक्षण गरिएको छ।

नेपालमा अहिले ६ हजार ५६१ जना क्वारेन्टिनमा छन्।

पछिल्ललो २४ घण्टामा १ हजार ५६६ जना डिस्चार्ज भएका छन्। हालसम्म कोरोना संक्रमणमुक्त भएर डिस्चार्ज हुनेको संख्या २७ हजार १२७ रहेको छ।

स्वास्थ्य तथा जनसंख्या मन्त्रालयका अनुसार नेपालमा ६० प्रतिशत संक्रमित संक्रमणमुक्त भएका छन्।

आज नेपालमा काेराेना संक्रमणबाट ९ जनाकाे मृत्यु भएकाे छ। हालसम्म नेपालमा काेराेना संक्रमणबाट २८० जनाकाे मृत्यु भइसकेकाे छ।