काठमाडौं । पछिल्लो २४ घण्टामा विश्वमा २ लाख ९४ हजार ५३३ कोरोना संक्रमित थपिएका छन् । विश्व स्वास्थ्य संगठनका अनुसार अघिल्लो २४ घण्टामा २ लाख ९६ हजार ३२ कोरोना संक्रमित थपिएका थिए ।  

संक्रमितको संख्या बढ्दै जाँदा मृत्यु हुने क्रम पनि रोकिएको छैन । पछिल्लो २४ घण्टामा विश्वमा ५ हजार ४४६ कोरोना संक्रमितको मृत्यु भएको छ । यो अघिल्लो दिनको तुलनामा केही कम हो ।

अघिल्लो २४ घण्टामा ६  हजार १४ कोरोना संक्रमितको मृत्यु भएको विश्व स्वास्थ्य संगठनको तथ्यांकमा उल्लेख छ ।  

विश्व स्वास्थ्य संगठनका अनुसार २१६ देशमा फैलिएको कोरोनाका कारण हालसम्म ८ लाख ७६ हजार ६१६ जनाको मृत्यु भइसकेको छ । संक्रमितको संख्या २ करोड ६७ लाख ६३ हजार २१७ पुगेको छ ।