अछाम: पञ्चदेवल विनायक नगरपालिकाको उत्कृष्ट भलिबल खेलाडीको पदवी ओमराज बोहोराले पाएका छन् ।

पञ्चदेवल विनायक नगरपालिकामा भएको १४ औँ राष्ट्रपति रनिङ्ग शिल्डको भलिबल खेलबाट वडा नम्बर ९ कालेकाँडामा रहेको शारदा माद्यामिक विद्यालयमा कक्षा १० मा अध्ययनरत १५ वर्षीय ओमराज बोहोरा उत्कृष्ट भलिबल खेलाडी छनोट भएका हुन् ।

सानै उमेरमा थुर्पै नगरस्तरीय खेल समेत खेलिसकेका १५ वर्षीय बोहाराले भलिबल यस वर्ष पनि  खेलमा आफ्नो उत्कृष्ट खेल प्रदर्शन गर्दै राष्ट्रपति रनिङ्ग शिल्ड अन्तर्गत भलिबलको उत्कृष्ट पदवी पाएका हुन् ।

शारदा माविको टिम क्याप्टेनको भूमिकामा रहेका बोहोराले सबै दर्शकहरूको मन जित्न सफल भएका थिए ।

यस्तै छात्रा भलिबल तर्फ उत्कृष्ट भलिबल खेलाडीको उपाधि धनवन्तरी मावि ताेलिका दिलसरा भण्डारीलाई दिइएको छ । 

उत्कृष्ट भलिबल खेल प्रदर्शन गर्ने सानै उमेरकी दिलसराले थुप्रै नगर तथा जिल्ला स्तरीय भलिबल खेल खेलिसकेकी छन् ।