अछाम – साहित्यिकार राम अबिरलको ‘जाने बेला’ बोलको गीत सहितको भिडियो सार्वजनिक भएको छ । प्रेममा धोका पाएकाको कथालाई उतारिएको गीतमा गायक भिम श्रेष्ठ र गायिका मेलिना राईले आवाज दिएका छन् ।

राम अविरल विष्टका शब्द, राजन तिमिल्सिनाको संगीत सिर्जना रहेको गीतमा शैलेन्द्र प्रधान बाबुको एरेन्ज रहेको छ । फराज अर्पणको छायांकन, सम्पादन र निर्देशन रहेको गीतले प्रेममा चोट पाउनेहरुमा वेदनालाई नजिकबाट केलाएको छ ।

भिडियोमा वैंशालु उमेरमा प्रेममा परेका तर परिस्थितिले प्रेमी–प्रेमिका एक हुन नसकेको असफल प्रेम कहानीलाई देखाउन खोजिएको छ । गितमा अभिनेत्री शिल्पा पोखरेलले दुःखान्त परिवेशको अभिनय गरेकी छन् ।