काठमाडौं- गायिका शान्ति श्री परियारको स्वरमा ‘यो तीजमा फिलिली नाचम्ला’ तीज गीत सार्वजनिक भएको छ। डीपी दाहाल ‘परिश्रमी’ को शब्द र पुरुषोत्तम न्यौपानेको संगीतमा नेपाली नारीहरुको महान पर्व तीजको अवसर पारेर यो गीत सार्वजनिक भएको हो। 

मारुनी डिजिटलमा रेकर्डिङ भएको गीतको संगीत संयोजन केशव बडुले गरेका छन् भने कुमार रानाले मिक्सिङ गरेका हुन्।

डिलाइटेड नेपाल युट्युब च्यानलमार्फत् सार्वजनिक भएको गीतको म्युजिक भिडियोमा चर्चित कलाकार अञ्जली अधिकारी, रमा थपलिया र नयन डिसीलाई फिचरिङ गराइएको छ। म्युजिक भिडियोको निर्देशन स्मृति तिमिल्सिना ‘गुरुआमा’ ले गरेकी हुन्। 

राम शरण उप्रेतीले छायांकन गरेको म्युजिक भिडियोको सम्पादन प्रकाश धमलाले गरेका छन्।