काठमाडौं– आज मंगलबार र ३ असारमा गरेर थाइल्याण्डबाट ३२५ जना स्वदेश फर्किएका छन्।

बैंककस्थित नेपाली दूतावासका अनुसार ३ असारमा नेपाल एयरलाइन्सको विमानमार्फत् २४७ जना र आज ७८ जना स्वदेश फर्किएका हुन्।

बैंककस्थित दूतावासकै समन्वयमा ३ असारमै हिमालय एयरलाइन्सको जहाजमार्फत् सिंगापुरबाट ११३ जना र कम्बोडियाबाट ३३ जनालाई स्वदेश फर्काइएको छ।

फर्किनेहरु छोटो समयको लागि पुगेका, अध्ययन पूरा गरेका विद्यार्थी, पर्यटक र पारिवारिक कामको सिलसिलामा रहेकाहरु भएको दूतावासले जनाएको छ।