काठमाडौं- भारतीय गृहमन्त्री अमित शाहलाई कोरोना संक्रमण भएको छ। उनले ट्वीटरमार्फत् यसबारे जानकारी गराएका हुन्।

‘कोरोनाका सुरुवाती लक्षण देखिएपछि मैले कोरोना परीक्षण गराएँ, रिपोर्ट पोजेटिभ आएको छ।’ उनले ट्वीटरमा लेखेका छन्, ‘मेरो स्वास्थ्य ठिकै छ तर डाक्टरहरुको सल्लाहअनुसार अस्पताल भर्ना हुँदैछु।’

गृहमन्त्री शाहले आफ्नो सम्पर्कमा आएका व्यक्तिहरुलाई पनि आइसोलेट भई कोरोना परीक्षण गर्न अनुरोध गरेका छन्।

भारत कोरोनाबाट विश्वमै अतिप्रभावित तेस्रो देश हो। त्यहाँ १७ लाखभन्दा बढी मानिसमा कोरोना संक्रमण पुष्टि भएको छ।