अछाम : दुबै मृगौला फेल भएर भारतमा उपचारार्थ रहेका अछामको धमालीका बिरेन्द्र बिष्टको उपचारका लागि आर्थिक सहयोग संकलन गरिएको छ ।

अछाम घर भई हाल कोरियामा रहेका जनक बिष्टको नेतृत्वमा जिल्ला तुर्माखाँद गाउँपालिका धमाली ८ का समाजसेवी, बुद्धिजीवी तथा बिद्यार्थी बिरेन्द्र बिष्टको उपचारका लागि कोरोयाबाट आर्थिक संकल गरिएको हो ।

आर्थिक संकलन गर्ने अभियानमा बिष्ट संगै नेपाल घर भई हाल कोरियामा रहेका एकिन्द्र खड्का, मदन ढकाल, नवराज चलाउने, बिराज खड्का, गौरी बिष्ट खड्काले समेत भुमिका निर्वाह गरेका थिए ।

उनको उपचारको लागि नेपाली १ लाख ३४ हजार ८ सय २८ रुपयाँ संकलन गरी बिष्टको खातामा भारतमा पाउने गरि पठाएको कोरियाबाट एकेन्द्र खड्काले बताए ।

काठमाण्डौमा अध्ययनको शिलशिलामा रहेका बिष्टको वीर हस्पिटल बाट दुबै मिर्गौला फेल भएको रिपोर्ट आएपछि उनि अहिले भारतको हैदराबाद निम्स अस्पतालमा डायलाइसिस गराईरहेका छन् ।

जीवन र मरणको दोसाँधमा रहेका बिष्टको मृर्गौला प्रत्यारोपणका लागि आर्थिक समस्या भएको हुँदा सक्दो सहयोग गरिदिन उनले आग्रह गरेका छन् ।