अछाम । गैरसरकारी संस्थाहरुकाे समन्वयात्मक बैठक पञ्चदेवल विनायक नगरपालिकामा सम्पन्न भएको छ ।

पञ्चदेवल विनायक नगरपालिकाकाे अायाेजना तथा वाक नेपाल सेभ द चिल्ड्रेनकाे साझेदारीमा पालिका स्तरीय समन्वयात्मक बैठक नगरपालिकाकाे सभा हलमा सम्पन्न भएको हाे ।

विभिन्न संघसंस्थाहरुद्वारा नगरपालिकामा सञ्चालित परियोजनाबारे जानकारी तथा कार्ययोजना कार्यान्वयनमा सहकार्य गर्ने उदेश्यका साथ नगरपालिकाले उक्त कार्यक्रमको अायाेजना गरेकाे पञ्चदेवल विनायक नगरपालिकाका प्रमुख प्रशासकिय अधिकृत पदम बहादुर माझीले जानकारी दिए ।

नगरपालिकाकाे सामाजिक,अार्थिक, सांस्कृतिक तथा ब्यक्तिगत विकासका लागि अाफ्ना कार्ययोजना लागू गरेका अास्था नेपाल,वाक नेपाल,शाेसेक नेपाल दैलेख,मालिका बिकास संघ,सेवक नेपाल,सेभ द चिल्ड्रेनले अाफ्ना कार्यक्रमकाे प्रगति प्रतिवेदन प्रस्तुत गरेका थिए ।

सबै गैर सरकारी संस्थाहरुका प्रतिनिधि तथा नगरपालिकाका विषयगत शाखाका प्रमुख प्रतिनिधिले समन्वय तथा सहकार्यकाे खाँचो रहेको अाैल्याएका छन ।

समन्वयात्मक बैठकमा सबै गैरसरकारी संस्थाहरुलाई सुझाव तथा सल्लाहकाे रुपमा नगरपालिका संग समन्वय गर्दै काम कार्यान्वयन कार्यान्वयन गर्न उप प्रमुख अम्बिका चलाउनेले अनुराेध गरिन ।

लक्षित वर्गहरुका माग तथा अावश्यकताका अाधारमा परियोजना छनाेट गर्नुपर्ने उनलेे सुझाव दिइन् ।

पञ्चदेवल विनायक नगरपालिकाकि उपप्रमुख अम्बिका चलाउनेकाे अध्यक्षतामा सम्पन्न समन्वयात्मक बैठकमा नगरपालिकाका प्रमुख प्रशासकिय अधिकृत पदम बहादुर माझी,वाक नेपाल अछामका अध्यक्ष बल बहादुर केशी,नगरपालिकाका सम्पूर्ण शाखा प्रमुख लगायतकाे सहभागीता रहेको थियो ।