कमल रावल

सरकारको लकडाउन अर्थात निशेधाज्ञा कार्यलाई अबेज्ञा गरि आएका अछामको कमलबजार नगरपालिकाका ११ जनालाई क्वारेन्टाईनमा राखिने भएको छ ।

नेपालगञ्जबाट गएराति गाडि मार्फत अछाम आएका कमलबजार नगरपालिका वडा नम्बर ६ विरपथका ६ जना र वडा नम्बर १ मुलिका ५ जनालाई क्वारेन्टाईनमा राखिने कमलबजार नगरपालिकाका प्रमुुख ओम प्रकाश बिष्टले बताउनु भयो ।

कालिकोट जाने गाडिमा आएका ४ जना बालबालिका सहीत ११ जनासँग कुनै पास नभएको र पास गाडि चालकलाई जानकारी भएको उनिहरुले बताईरहेकाले उनिहरुलाई ब्याबस्थापन सहित कमलबजार नगरपालिका पठाउन काम भईरहेको पंञ्चदेवल विनायक नगरपालिकाका उपप्रमुुख अम्बिका चलाउनले बताउनु भयो ।

पंञ्चदेवल विनायक नगरपालिकाको बेलखेतमा वडा नम्बर ४ का सदस्य दिपक बिष्ट, सुरक्षाकर्मि, स्वास्थ्यकर्मिको सक्रियतामा नियन्त्रणमा लिएपछि कमलबजार नगरपालिकालाई जानकारी गराएपछि नगरपालिकाले आफ्नै नगरपालिकामा क्वारेन्टाईनमा राख्ने ब्याबस्थापन गरेको चलाउने बताउनु भयो ।

कमलबजार नगरपालिकामा आवश्यक क्वारेन्टाईनको ब्याबस्थापन भईसकेकाले अहिले नै नगरबाट गाडि पठाएर ल्याउने कार्य भईरहेको प्रमुुख बिष्टले जानकारी दिनु भयो ।