कमल रावल, चैत १८ अछाम

नेपाल राष्ट्रिय शिक्षक संगठन सुदुरपश्चिम प्रदेश समितीले कोरोनाभाईरसको संक्रमणबाट जोगीन सजकता, संयमता अपनाउन सबैलाई आग्रह गरेको छ ।

समिती मातहतका जिल्ला समिती, स्थानिय पालिका समिती, आम शिक्षकलाई सरकारले जारी गरेको “लकडाउन” अर्थात निशेधाज्ञा पालना सहीत हरेक ब्यक्तिलाई जानकारी सहीत आफु पनि बच्न र बचाउने अभियानमा लाग्न प्रेश बिज्ञप्ती मार्फत आग्रह गरिएको छ ।

सरकारले गरेको “लकडाउन” अर्थात निशेधाज्ञाको कार्य स्वागत योग्य रहेको भन्दै मानिसलाई एक आपसमा सामाजिक दुरी कायम गरि सार्वजनिक ठाँउमा जम्मा नहुन, सरसफाईमा ध्यान दिन, भारत, तेस्रो मुलक र जिल्ला बाहीरका शहरबाट आएका ब्यक्तिलाई होम क्वारेन्टाईन (गुप्त बास) बसी आफु पनि बाँच्न र आफनो परिवार सहीत अरुलाई समेत बचाउने कार्यमा लाग्न प्रदेश समिती अध्यक्ष नर बहादुर रावलद्धारा हस्ताक्षरित बिज्ञप्तीमा भनिएको छ ।

यतिबेला धैर्यवान होऔँ, संयमता अपनाऔँ, सावधान होऔँ तर आतङकित नहोऔँ हल्ला र अफबाहबाट भ्रमित र प्रभाबित नहोऔँ भन्दै बिश्व स्वास्थ्य संगठनको आह्वान, नेपाल सरकारको निर्देशन, स्वास्थ्यकर्मि, शिक्षक, बुद्धिजिवीको सल्लाहलाई आत्मसाथ गरौँ, आफु पनि बचौँ अरुलाई पनि बचाऔँ बिज्ञप्तीमा भनिएको छ ।

साथै अध्यक्ष रावलद्धारा जारी गरिएको बिज्ञप्तीमा नेपाल शिक्षक महासंघले थालेको आर्थिक अभियानमा सहभागि बनी सबैलाई सहयोग गरिदिन समेत आग्रह गरिएको छ ।