बिक्रम परियार, चैत २७ अछाम |

प्रभु बैंक लिमिटेड शाखा साँफेबगरले साँफेबगर नगरपालिकालाई खाद्य सामाग्री हस्तान्तरण गरेको छ ।

बिश्व भर महामारीको रुपमा फैलिरहेको कोरोना भाइरसको महामारीको कारण खाद्यान्न संकट तथा असहज परिस्थितिको समयमा सामाजिक हितलाई ध्यानमा राख्दै बैँकले ४० हजार बराबरको खाद्य सामाग्री हस्तान्तरण गरेको हो ।

प्रभु बैंक लिमिटेड शाखा साँफेबगरका प्रबन्धक धर्म बुढाले ३० केजी बराबरका २५ कट्टा चामल, २५ केजी बराबरका २ कट्टा दाल, १० लिटरको १ पेटि तेल र ५० केजि बराबरको १ कट्टा नुन साफेबगर नगरपालिकाका प्रमुख कुल बहादुर कुवरलाई हस्तान्तरण गर्नु भएको हो ।

प्रभु बैंक लिमिटेड सुदुर पश्चिम प्रदेशले थालेको अभियान अन्तरर्गत साँफेबगरमा हस्तान्तरण गरिएको र कमलबजार शाखा मार्फत कमलबजार नगरपालिकालाई समेत हस्तान्तरण गरिने प्रबन्धक बुढाले बताउनु भयो ।

बैँकले सुदुरपश्चिमका १० वटा स्थानीय तहमा ५ लाख बराबरको खाद्य सामग्री हस्तान्तरण गरेको हो । सामाजिक हितलाई ध्यानमा राख्दै बैँकले आफनो कार्य क्षेत्र कैलाली, कन्चनपुर, डडेल्धुरा र अछामका आफना शाखा मार्फत स्थानिय तहलाई खाद्य सामग्री हस्तान्तरण गरिएको बताईएको छ ।

जसमा धनगढी उप महानगरपालिका, गोदावरी नगरपालिका, टिकापुर नगरपालिका, भिमदत्त नगरपालिका, शुक्लाफाटा नगरपालिका, पुनर्वास नगरपालिका, बर्दगोरिया गाउँपालिका, कमलबजार नगरपालिका, साफेबगर नगरपालिका र नवदुर्गा गाउँपालिकालाई हस्तान्तरण गरिएको हो ।