कमल रावल, बैशाख ३ अछाम

मंगलसेन नगरपालिकाका वडा नम्बर १३ बस्तीका १५ जनाको कोरोनाभाईरस परिक्षण रिपोर्ट नेगेट्भि आएपछि सुरक्षित घरको एकान्तबास बस्ने गरि घर पठाईएको छ ।

गत चैत ११ गते धनगढी पुुगेर अलपत्र परि होटेलमा बसिरहेका १२ जना पुरुष र ३ महिलालाई उद्धारगरि मंगलसेन नगरपालिकाले आफ्नै पहलमा गाडी पठाएर आज मंगलसेन ल्याएको थियो ।

मंगलसेन ल्याएर जिल्ला अस्पतालमा डाक्टर सहित स्वास्थ्यकर्मीको टोलीले रयापिड डाइग्नोष्टिक टेष्ट (च्म्त्) गर्दा सबैको रिपोर्ट नेगेट्भि आएको जिल्ला अस्पताल अछामका डाक्ट्र अतुल भारद्धाजले बताउनु भयो ।

सबैको स्वास्थ्य परिक्षण गर्दा नेगेटिभ आएपछि सुरक्षित घरको एकान्तबास बस्ने गरि बस्ती पठईएको मंगलसेन नगरपालिकाका प्रमुुख पदम बहादुर बोहराले बताउनु भयो । जिल्ला प्रशासन कार्यालय अछाम र कैलाली प्रशासनको नियमित समन्वयमा बस्तीका १५ जनालाई नगरपालिकाले नै २५ हजार रकम खर्च गरि गाडी रिजर्व गरेर ल्याईएको प्रमुुख बोहराले बताउनु भयो ।

मंगलसेन पुरयाएर कोरोना परिक्षण गर्दा कसैलाई पनि लक्षण तथा नदेखिएकाले वडा नम्बर १३ का अध्यक्षको रोहबारमा सुरक्षित घरमा बस्ने गरि ८ हजार गाडी खर्च समेत नगरले बेहोर्ने घर पठाईएको उहाँले बताउनु भयो ।

उनिहरु सबै स्वस्थ्य रहेकाले आफुले सबैसँग नियमित छलफल गरि सुरक्षित घरमा बस्न तयार रहेकाले सबैलाई ढुक्कका साथ घरमा बस्न नगरप्रमुुुख बोहराले आग्रह गर्नु भएको छ ।