अछाम

अछामका १० वटै स्थानिय तहका प्रमुखहरुले पछिल्लो समयमा गरेको कामको बारेमा मुख्यमन्त्रिलाई जानकारी गराएका छन ।

हरेक स्थानिय तहका प्रमुखले सुदुरपश्चिम प्रदेशका मुख्यमन्त्री त्रिलोचन भट्ट सँग भिडियो कन्फ्रेन्स मार्फत पछिल्लो अबस्था र भाबि योजनाका बारेमा छलफल गरेका हुन ।

भिडियो कन्फ्रेन्समा आगामी वर्षको नीति तथा कार्यक्रममा स्थानीय तहले समेट्नु पर्ने विषयहरु, कोरोना भाइरसको रोकथाम, उपचार र राहत विवरण लगायतका विषयमा समिक्षा र आगामी वर्षको बजेट सम्बन्धी छलफल भएको मंगलसेन नगरपालिका प्रमुख पदम बहादुर बोहराले बताउनु भयो ।

अछामका सबै स्थानिय तहका प्रमुखले मुख्यमन्त्रिसँग भारत तथा तेस्रो मुलुकमा रहेको नेपाली दाजुभाईको उद्धार तथा राहतका लागि माग गरेका तुर्माखाद गाउपालिकाका अध्यक्ष पुष्पराज शर्माले बताउनु भयो ।

जवाफमा मुख्यमन्त्रि भट्टले यो अधिकार केन्द्र सरकार भएको हुँदा आफूले नेपाल सरकारसँग र भारतीय दूतावासमा पहल गर्ने बताउुन भयो । साथै उहाले कोरोनाभाईरस नियन्त्रणका लागि अछामका स्थानिय तहले गरेका कामको प्रशँसा गर्दै मुख्यमन्त्रि भट्टले अझै सचेत र सजग हुन सबैलाई आग्रह गरेका थिए ।