कमल रावल, अछाम ।

मंगलसेन नगरपालीकाका प्रमुख पदम बहादुर बोहराले आगामि दिनमा मंगलसेन नगरपालीकाले निशुल्क रुपमा कुनै पनी ब्यक्तिलाई राहत नबाड्ने बताउनु भएको छ ।

नगरले आवश्यकता अनुसार काम दिने र त्यसपछि मात्र राहत उपलब्ध गराउने बताउनु भएको छ । मंगलसेन नगरपालिकाका वडा नम्बर ३, ४ र ५ का अति गरिब, विपन्न, तथा असहाय परिवारका सदस्यलाई राहत हस्तान्तरण गर्दै हरेक क्षेत्रमा काम नगरले तोक्ने र त्यसको हुन आउने राहत वितरण गरेर नगर भित्र कसैलाई भोकै मर्न नदिने बताउनु भयो ।

बिना कामले पैसा नमिल्ने भएकाले हरेक गाउमा बाटो बनाउने, खानेपानि बनाउने, कृषि, वन क्षेत्र तिर थुप्रै काम भएकाले त्यस्ता काममा लाग्न सबैलाई आग्रह गर्नु भएको छ । पसिना बगाएर गरेको कामको फल मिठो हुने भएकाले सबैले त्यति अनुसार योजना बनाएर अगाडि बढनु पर्ने बताउनु भयो ।

कोरोनाभाईरसको संक्रमणका कारण पिडाका दिन आउन अब सुरु भएकाले हरेक नागरिकले सोच्नु पर्ने बताउनु भयो । नगरका हजारौँ मानिस यतिबेला गाउमा आईरहेकाले थुप्रै पिडा उनिहरुका भएकाले अझै ब्याबस्थापन गर्न गारो भईरहेको बताउनु भयो ।

हरेक वडामा रहेका विद्यालयलाई क्वारेन्टाईन बनाएर बसाउनु पर्ने बाध्यता यतिबेला आईपरेकाले ब्याबस्थापन कार्यमा सबैलाई सहयोग गर्न आग्रह गर्नु भयो ।