पूर्ण बहादुर खड्का, अछाम –

कोरोना भाईरस प्रभाबित जिल्लाको रुपमा नयाँ प्रमुख जिल्ला अधिकारीको रुपमा रामबहादुर कुरुम्वाङ्ग आउनु भएको छ । उहाँ आएदेखी नै आफ्नो नियमित कामका साथै कोरोनाको क्षेत्रका स्थलगत रुपमै खटिएर लाग्नु भएको छ ।

प्रमुख जिल्ला अधिकारी कुरुम्वाङ्ग कोरोना प्रभावित जिल्ला बाँकेका विभिन् ठाँउमा पुगेर अहिलेको अवस्थाका बारेमा जानकारी लिईरहनु भएको छ भने लकडाउनको कडाईका साथ पालना गर्न लागिरहनु भएको छ ।

आइृतबार मात्रै प्रजिअ कुरुम्वाङ्गले चिरपरिचित शैलीमा आफ्नो एक्सनमा उत्रिनु भएको छ । जिल्लामा जोखिम बढेपछि प्रमुख जिल्ला अधिकारी रामबहादुर कुरुम्वाङ्ग चिरपरिचित शैलीमा एक्सनमा उत्रिनु भएको हो ।

बाँकेको नेपालगञ्ज स्थित गणेशमान चोक आसपासमा उहाँले अनुगमन सहितको निरिक्षण गर्नुभएको छ । अछाम, बर्दिया हुदैँ स्यांजा जिल्लाका उत्कृष्ट प्रजिअको रुपमा आफ्नो नाम दर्ज गराउन सफल हुनु भएका कुरुम्वाङ्गको काम देखेर सरकारले केहि दिन पहिले उहाँलाई बाँकेको जिम्मेवारी दिएको थियो ।

सिडिओ कुरुम्वाङ्ग बाँके जिल्ला सरुवा भइ आएको दिनदेखि नै कोरोना विरुद्धको अभियानमा सक्रियता पुर्वक लागेको देख्न सकिन्छ । हेरौँ उहाँका आजका तस्वीर

तस्वीर सौजन्य : बेदप्रकाश तिमिल्सैना