जिल्ला समन्वय समिति बाजुराले आफनो दोस्रो जिल्ला सभा सम्पन्न गरेको छ । जिल्ला समन्वय समितिको सभाहलमा सम्पन्न भएको उक्त सभामा बाजुरा जिल्लाको समग्र विकासका योजनाहरु कसरी निर्माण गर्ने र स्थानीय तहहरु र प्रदेश सरकार बिच कसरी समन्वय गरेर अगाडी बढने भन्ने सम्बन्धमा छलफल भएको थियो ।

जिल्ला समन्वय समिति बाजुराका प्रमुख तथा जिल्ला सभा अध्यक्ष नरेन्द्र कुमार रोकायाको अध्यक्षतामा भएको कार्यक्रममा जिल्ला सभा सदस्य एवं बाजुरा जिल्लामा रहेका स्थानिय तहका प्रमुख / उपप्रमुख, अध्यक्ष / उपाध्यक्ष, जि.स.स. सदस्य हरुको उपस्थिती रहेको थियो ।

सभामा निर्णयार्थ प्रस्तुत गरिएका विषयहरुमा चालु आ.व. २०७५/०७६ को संशोधित आय ब्यय विवरण र आगामी आ.व. को अनुमानित आय व्यय लगायत प्रस्ताव पेश भएकामा सबै निर्णय सर्वसम्मत रुपमा पारित भएको निमित्त जिल्ला समन्वय अधिकारी गोविन्द गिरीले जानकारी दिए ।

सिंहदरबारको अधिकार प्रदेश र स्थानिय तहमा आएको भन्दै आफना अधिकार र विकासका योजना कसरी आफै निर्माण गर्ने, स्थानिय तहबिच एक आपसमा समन्वय गरी कसरी विकास गर्ने भन्ने सन्दर्भमा छलफल भएको थियो ।

वर्तमान समयमा COVID-19 रोगको रोकथाम र जोखिम नियन्त्रणका लागी कसरी साझा धारणा बनाउन सकिन्छ भन्ने बारेमा छलफल भएको थियो ।