दिनेश केशी,अछाम / पञ्चदेवल विनायक नगरपालिकाले कोरोना भाइरस कोभिड १९ संक्रमण रोकथाम तथा नियन्त्रमा आम्दान्नी तथा खर्चको विबरण सार्वजानिक गरेको छ । विश्वब्यापी महामारीको रुप लिइरहेको कोरोना भाइरस संक्रमण न्युनिकरणमा बिभिन्न स्रोतबाट आम्दान्नी तथा नगरपालिकाद्धारा खर्चको बिवरण आइतबार नगरपालिकाले एक सुचना जारी गर्दै सार्वजानिक गरेकोे हो ।

संक्रमण न्युनिकरणका लागी नगरपालिकामा १ करोड ३१ लख ८२ हजार ५ सय आम्दान्नी भएको छ भने विभिन्न शिर्षकमा ९२ लाख ८६ हजार ७ सय ४१ रुपयाँ खर्च भएको बिवरणमा उल्लेख गरिएको छ ।

९ वटै वडाको क्वारेण्टिन ब्यावस्थापनमा पेश्की १८ लाख, प्रत्यक वडामा राहत वितरण ढुवानी सहित २० लाख ३२ हजार ५ सय ४४, सबै वडामा मास्क र साबुन बितरण ३ लाख ७६ हजार, १ सय २०,क्वारेण्टिन र हेल्थ डेस्कका लागी गाडी भाडा तथा इन्धन ६० हजार ६ सय १५,बिद्युतिकरण तथा इलेक्ट्किल्स सामाग्री ६२ हजार ६०,क्वारेण्टिन भाँडा बर्तन ६० हजार ८ सय ७५ छ ।

यस्तै क्वारेण्टिन खाद्यान्न तथा तरकारी ५ लाख १४ हजार ६ सय ८, सन्चार खर्च ७५ हजार ५ सय, रेडियो शिक्षा कार्यक्रम १ लाख २० हजार,क्वारेण्टिन हेल्थ डेस्कमा कर्मचारी,सुरक्षकर्मी स्वास्थ्यकर्मी जोखिम भत्ता १३ लाख ३० हजार ८ सय ३४,औषधी तथा स्वास्थ्य सामाग्री खरिदमा २३ लाख १७ हजार ५ सय १७, आइसुलेसन वेड खरिद तथा ब्यावस्थापन ५ लाख २० हजार,क्वारेण्टिन तथा हेल्थ डेस्क स्थापना ब्यावस्थापन खर्च १८ हजार ६८ गरि ९२ लाख ८६ हजार ७ सय ४१ खर्च भएको नगरपालिकाले जनाएको छ ।

खर्च बिवरण सार्वजानिक भए संगै कोरोना नियन्त्रमा पञ्चदेवल विनायक नगरपालिकाले पारदर्सी रुपमा काम नगरेको भन्दै सामाजिक सन्जाल लगायत बिभिन्न माद्यामबाट केहि समाजसेवी तथा स्थानिय बासीहरुले आलोचना गर्न थालेका छन ।