ब्यापारीलाई मापदण्ड बिपरित ब्यावसाय सञ्चालन गर्न स्थानिय सरकार ठुलो चुनौती

अछाम : जिल्लाको पञ्चदेवल नगरपालिकाद्धारा चाँर्ड पर्व लक्षित बजार अनुगमनमा तिब्रता ।

पञ्चदेवल विनायक नगरपालिकाले दशैँ तिहारको बिचमा छड्के चेक जाँच र अनुगमनलाई तिव्रता दिएको छ ।
मापदण्ड विपरित तथा इजाजत बिनै सञ्चालित व्यावसायीहरुमा पुन : निरिक्षण तथा चाडपर्व लक्षित गरि बजार अनुगमनमा नगरपालिकाले तिव्रता दिएको हो ।

आइतवार नगरपालिका र इलाका प्रहरी कार्यालयको एक टोलीले अनुगमन गर्दा वडा नम्वर २ पञ्चदेवल बजार नजिकै मध्यपहाडी सडकखण्डमै रहेको दर्ता नगरिएको बिनोद बस्नेतको पसलबाट ३६ बोत्तल बिएर, अवैद घरेलु मदिरा २० पोका , वडा नम्वर ३ पब्लिक भञ्ज्याङ स्थित बुढा टलबाट कमसल मदिरा ओरेन्ज सोफी १८ पेटी बरामद गरिएको प्रमुख प्रसाशकिय अधिकृत पदम माझीले जानकारी दिए ।

नगरपालिकाद्धारा पटक पटक चेक जाँच तथा अनुगमन गर्दै सुचना प्रवाह गर्दा पनि स्थानिय ब्यापारीहरुले पालिकाको निति नियम स्वाइकार नगरेको उनले बताए ।

यसै बिच सोमबार बिहान अनुगमन गर्दा सुन्तलाबाडी नजिकै ढकाल जनरल स्टोरबाट इजाजत बिना बिक्रीका लागी राखिएको अवस्थामा बियर ४५ बोत्तल, भर्जिन २ पेटी, रेन्बो २ पेटी,डायमण्ड १ पेटी र नजिकै रहेको तिर्थराज ढकालको पसलबाट बियर ९ बोत्तल , अवैध घरेलु मदिरा २९ पोका बरामद गरि कानुन बमोजिम कारबाही गरिएको प्रसाशक माझीले रेडियो पञ्चदेवल तथा सुदुर आजलाई जानकारी दिए ।

मदिरा नियन्त्रण पछि सामाजिक सञ्जाल फेशबुकमा प्रसाशक माझीले यस्तो लेखेका छन ।
निरन्तर अनुगमन गरिरहेका छौं । अवैध तथा इजाजतबिनामा मदिरा बरामद गरी कानुनबमोजिम कारबाही गरिरहेका छौं । तर पनि हरेक पटकको अनुगमनमा झन ठूलो परिमाणमा मदिरा बरामद हुनु अचम्मको विषय बनेको छ । अर्को अचम्मको कुरा मदिराको विरोधमा सबैभन्दा चर्को आवाज गर्ने, हाम्रो कामप्रति असन्तुष्टि गरिरहने मान्छेको पसलमा नै अबैध मदिराको कारोबार भइरहेको भेटिन्छ । अहिलेसम्म नाम सार्वजनिक नगरिएकोमा अब उप्रान्त हामी सम्बन्धित व्यक्तिको नामसमेत सार्वजनिकीकरण गर्नेछौं ।

आज बिहान नगरपालिका र इलाका प्रहरी कार्यालय विनायकबाट विनायक बजार अनुगमन हुँदा ठूलो परिमाणमा इजाजतबिनाका र अबैध घरेलु मदिरा बरामद गरिएको छ । अनुगमन टोलीमा खटिएर प्रशंसनीय कार्य गर्ने इलाका प्रहरी कार्यालयका प्र.ना.नि भरत बहादुर रोकाय लगायत उहाँको टिम र नगरपालिकाका कर्मचारीहरूलाई हार्दिक धन्यवाद दिन चाहन्छु । साथै मदिरा नियन्त्रण तथा व्यवस्थापनमा सहयोग गर्न हुन जनप्रतिनिधि, राजनीतिक दल, पत्रकार तथा नागरिक समाजलाई हार्दिक अनुरोध गर्दछु । नगरपालिकाले मदिराको अबैध कारोबारप्रति शून्यसहनशीलताको नीति लिएको सबैलाई जानकारी गराउन चाहन्छु ।

दशैँ तिहारमा बिकृती जन्य घटना मदिराकै कारण घट्न सक्ने भन्दै सुन्दर र सान्त समाज निर्माणका लागी नगरपालिकाकाले बेला बेला बजार अनुगमनलाइ तिव्रता दिइरहेको छ ।