अछाम : जिल्लाकाे पञ्चदेवल विनायक नगरपालिका वडा नम्बर ५ स्थित कालिकादेवि सामुदायिक वन नयाँ कार्यसमितिको पहिलो बैठक अाज सम्पन्न भएको छ ।

भर्खरै गठन भएको वन संरक्षण समितिका अध्यक्ष वीर बहादुर बुढाको अध्यक्षतामा जंगल संरक्षण तथा सम्बर्द्धनका लागि विभिन्न निर्णय गर्दै पहिलो बैठक सम्पन्न भएको हाे ।

निवर्तमान कार्य समितिबाट एक हप्ता भित्र वनकाे सम्पुर्ण हिसाब किताब तथा जेन्सी सामाग्रीहरु यस वडाका जनप्रतिनिधिको राेहवरमा नयाँ कार्यसमितिले फिर्ता लिने पहिलो निर्णय गरेकाे हाे ।

वनजंगल क्षेत्र भित्र ज्यादती रुपमा विनाश भइरहेकाले उक्त कार्य तत्काल राेक्न एक हप्ते सुचना जारी गरिएकाे छ । साथै यस अवधि भित्र कसैले सुचना बिपरित काम गरेको पाइए वन एेन अनुसार कार्वाही गर्ने निर्णय गरेको अध्यक्ष वीर बुढाले जानकारी दिए ।

युवाले नेतृत्व लिएको सामुदायिक वन समितिले जंगल संरक्षणका लागि सकृयता देखाएको छ । चार बर्ष देखि अस्तव्यस्त अवस्थामा रहेको संरक्षण समिति विरुद्ध जनजागरण युवा क्लबले बाेलेकाे थियाे ।

युवा क्लबले एक सार्वजनिक कार्यक्रमकाे अायाेजना गरि बुधवार यस वडाका जनप्रतिनिधिको राेहबरमा नयाँ कार्य समिति निर्माण भएको हाे ।

सामुदायिक विकास तथा सामाजिक रुपान्तरणका कार्यहरुमा युवा क्लब कटिबद्ध भइ सकृयताका साथ लाग्ने जनजागरण युवा क्लबका अध्यक्ष दिनेश केशीले जानकारी दिए ।