अछाम वल्ड्र भिजन तथा वाक नेपालले विपन्न परिवारलाई कृषि सामाग्री सहयाेग गरेको छ ।

वल्ड्र भिजन तथा वाक नेपालकाे साझेदारीमा सञ्चालित उथ्थानशील जिविकाेपार्जन तथा पाेषणा परियाेजनाकाे स्मार्ट अनुदान कार्यक्रम अन्तर्गत पञ्चदेवल र कमलबजार नगरपालिकाका ४० जनालाई सामाग्री हस्तान्तरण गरिएको हाे ।

अाधुनिक कृषि प्रणालीको विकास संगै महिलाहरुकाे कार्यबाेझ घटाउने उदेश्यका साथ अति विपन्न,एकल महिला,दलित तथा दर्ता गरिएका बालबालिकालाई मंगलबार सामाग्री हस्तान्तरण गरिएको परियाेजनाका फिल्ड सहजकर्ता सिर्जना अधिकारीले जानकारी दिइन ।

पञ्चदेवल विनायक नगरपालिका वडा नम्बर २,४ र ६ का २४ जना र कमलबजार नगरपालिका वडा नम्बर ३ र ५ का १६ जनालाई प्लास्टिक,इन्सेक्ट नेट,Staking Rope, Staking Clips,टमाटरकाे बीउ,प्लास्टिक क्यारेट,मल्चिङ सेट गरि २१ हजार ४ सय ८५ रुपैयाँ बराबरको सामान हस्तान्तरण गरिएको जिविकाेपार्जन तथा पाेषणा परियाेजना फिल्ड सहजकर्ता सिर्जना अधिकारीले जानकारी दिइन ।

हस्तान्तरण कार्यक्रममा परियोजनाका फिल्ड अधिकृत धिरज ढुंगाना,फिल्ड सहजकर्ता जानकी बाेगटी,महेन्द्र नेपाली,खगेन्द्र बडुवाल,डम्बर बडुवालकाे सहभागीता रहेको थियाे ।