प्रदेश समाचार

विनाेद शाही मृत्यु प्रकरणले उग्र रुप लियो, इलाका प्रहरी कार्यालय अगाडि दैनिक प्रदर्शन

अछामका १६ बर्षिय किशोर विनाेद शाही मृत्यु प्रकरणले विनायकमा उग्र रुप लिएको छ ।

२४ गते अाज पनि मृतकका अाफन्त तथा परिवारले विनायक बजारमा प्रदर्शनका साथै इलाका प्रहरी कार्यालय विनायक घेराउ गरेका हुन ।

पञ्चदेवल विनायक नगरपालिका वडा नम्बर ४ कालिकास्थानकाे कुच्ची भीरमा २१ गते कालिकास्थानका विनाेद शाहीको शव रहस्यमय अवस्थामा फेला परेको थियो ।
मृतकका परिवारले घटनाको यथाशीघ्र अनुसन्धान गरि हत्यारा पत्ता लगाउन माग गर्दै विभिन्न अान्दोलन गर्दै अाएका छन ।
अछाममा १६ बर्षिय किशोर मृत भेटिए पछि पञ्चदेवल विनायक नगरपालिका तनावग्रस्त अवस्थामा छ ।

१७ गते साँझ चुनावको बिषयलाई लिएर अाफ्नै परिवार बिच द्वन्द सिर्जना भएको थियो । त्यही दिनबाट बेपत्ता भएका किशोर कुच्ची भीरकाे खाेचमा २१ गते बेवारिसे अवस्थामा भेटिएपछि हत्या गरेको भन्दै मृतकका परिवारले शव उठाउन दिएका छैनन ।

यसै बिषयलाई लिएर विनायक बजारमा प्रदर्शन हुनुका साथै मध्य पहाडी लोक मार्गमा आफन्तले चक्काजाम गदै आएका छन् ।

बिनाेद शाहीलाई न्याय दे,हत्यारालाई सार्वजनिक गर्,बिद्यार्थी मार्न पाइदैन्,प्रहरी प्रशासन मुर्दाबाद,प्रहरी हस्तक्षेप बन्द गर् नगर प्रमुख राजिनामा गर जस्ता नारा लगाउँदै चर्काे घाममा अाफन्त तथा मृतकका परिवारले अान्दाेलन गरिरहेका हुन ।

घटनामा नगरपालिकाका नव निर्वाचित जनप्रतिनिधि संलग्न रहेको अाराेप लगाउँदै घटनाबारे स्थानीय प्रहरी प्रशासनले लापरबाही गरेको भन्दै उनीहरू आन्दोलित छन।

किशोर मृत भेटिएको घटनाबारे प्रहरीले आवश्यक अनुसन्धान गरिरहेको प्रहरीले बताएको छ ।

प्रहरीका अनुसार घटनाबारे अनुसन्धान गर्न तालिम प्राप्त कुकुरको समेत सहायता लगिएको छ ।

घटनाबारे अनुसन्धान गर्न सिआईविको टोली कमान्ड गरेर डिएसपी मनोहर भट्टको टोली समेत अनुसन्धानमा खटिएको छ ।

शाही मृत्यु प्रकरण अनुसन्धान लागि नेपाल प्रहरीका एसएसपी जनकराज पाण्डे भर्खरै अछाम पुगेका छन ।

प्रतिक्रिया दिनुहोस !

सम्बन्धित खबरहरु

अछामका दुबै क्षेत्रमा सत्ता गठबन्धनको क्लिन स्विप
आईजीपी हुन नपाएका रावल बने प्रदेश सभा सांसद
कांग्रेस महामन्त्री खड्कालाई तेश्रो प्रयासमा सफलता
अछाम : २३ बर्षपछि कांग्रेसको कमब्याक, सभापती शाह फराकिलो मतान्तरले विजयी