अछाम । जिल्लाको बान्नीगढी जयगढ गाँउपालिका अन्र्तगतको जयगढ बजारमा आज सरसफाई गरिएको छ । गाँउपालिकाका अध्यक्ष टेक बहादुर साँउदको सक्रियता तथा नेतृत्वमा बजार सरसफाई गरिएको हो ।

गाँउपालिकाका अध्यक्ष टेक बहादुर साँउद, उपाध्यक्ष बिन्दु रावल, निमित्त प्रमुख प्रशासकिय अधिकृत झनक रेग्मी, लेखा अधिकृत नारद खनाल लगायतका सबै कर्मचारीहरुले बजार सरसफार्य गरेका छन् ।

बजारमा फोहोर थुप्रिए पछि सरफाई गरिएको अध्यक्ष साँउदले बताए । बजार संगं प्रशासकिय कार्यालय लगायतको क्षेत्र वरिपरी सरसफाई गरिएको उनले बताए । आफ्नो क्षेत्रलाई सफा सुगर राख्न सबै सचेत नागरिक जिम्मेवार बन्नुपर्ने अध्यक्ष साँउदको भनाई छ ।

आगामी दिनमा पालिकाले सरसफाईलाई बिषेश महत्व दिएर यसको दिर्घकालिन व्यावस्थापन तर्फ जोड दिने अध्यक्ष साँउदको भनाई छ । बान्नीगढी जयगढ गाउँपालिकाको आयोजनामा जयगढ बजार सरसफाईमा ब्यापारी, बुद्धिजीवी, जनप्रतिनिधि, सुरक्षाकर्मी, कर्मचारी लगायत बजार बासिहरुको उपस्थिति रहेको थियो