अछाम ः जिल्लाको अग्रणी सामुदायिक रेडियो रामारोशनले सम्मान प्राप्त गरेको छ । जिल्लाको पहिलो सामुदायिक रेडियो रामारोशनले मावन बेचबिखन बिरुद्ध योग्दान पुराए बाफत सम्मान प्राप्त गरेको हो ।

मानव बेचबिखन बिरुद्धको स्रोहौँ राष्टिय दिवसको अवसरमा देशभरीबाट एक मात्र रेडियोका रुपमा सामुदायिक रेडियो रामारोशनलाई सम्मान मिलेको रेडियोका अध्यक्ष बेद प्रकाश तिमिल्सैनाले बताए ।

तिनै तहका सरकार, मानव बेचबिखन बिरुद्धको सरोकार भन्ने मुल नाराका साथ नेपाल सरकार महिला, बालबालिका तथा जेष्ठ नागरिक मन्त्रालयले काठमाण्डौँमा आयोजना गरेको कार्यक्रममा रेडियोलाई सम्मान प्रदान गरिएको हो । रेडियो रामारोशनका संस्थापक अध्यक्ष बिनोद कुमार थापाले महिला, बालबालिका तथा जेष्ठ नागरिक मन्त्री उमा श्रेष्ठबाट सम्मान प्रत्र ग्रहण गरे ।

सम्मान पत्र ग्रहण गर्दै संस्थापक अध्यक्ष थापाले आफुहरुले रेडियो सुरुवात गर्दाताका दिनमा गरेको मेहनत र संर्घषको परिणामका रुपमा स्मरण गरे । सरकारबाट सम्मान पाउदाँ गर्व महसुश भएको उनले बताए । साथै थापाले रेडियोमा अवरात्र खटिने कर्मचारी, वयावस्थापन टिम र समग्र अछामबासीलाई धन्यवाद दिएका छन् ।

सम्मान प्राप्त पछि खुशी व्यक्त गर्दै रेडियो रामारोशनका कार्यकारी निर्देशक कृष्ण बहादुर बुढाले रेडियोल जिल्लामा सामाजिक परिर्वतन, सुशासन र विकास निर्माणका पक्षमा जहिले पनि अग्रणी भएर आवाज बुलन्द गरिरहेको बताए ।

सामाजिक न्याय, मानव सेवा, बाल अधकार, मानव अधिकार तथा महिला हिंसा तथा मावन बेचबिखन बिरुद्धका क्षेत्रमा रेडियो रामारोशनले खेलेको भुमिकाका कदर गर्दै सम्मान गरिएको मन्त्रालयले जनाएको छ ।

संस्थाको तर्फबाट सोसक नेपाल दैलेख, राष्टिय छापा माध्यमको तर्फबाट नेपाल समाचारपत्र, जिल्ला प्रहरी कार्यालय बाँके र दुई जना महिला पत्रकारलाई समेत सम्मान गरिएको थियो ।