पञ्चदेवलको नि:शुल्क स्वास्थ्य शिविरबाट करिब ४ हजारले सेवा लिए
अछाम : पञ्चदेवल विनायक नगरपालिकाकाे स्वास्थ्य शिविर बाट करिब ४ हजार सेवाग्राहीले सेवा लिएका छन् ।
फाल्गुन ७ गते बाट सुरु भएको २ दिने नि:शुल्क एकीकृत स्वास्थ्य शिविर बाट ३ हजार ७ सय ६२ जनाले सेवा लिएको स्वास्थ्य शाखाले जानकारी दिएको छ ।
जिल्लाकाे पुर्वी भेगका साथै छिमेकी जिल्ला दैलेख र कालिकोटका अधिकांस नागरिक सेवा लिन विनायक पुगेका थिए ।
नि:शुल्क स्वास्थ्य शिविर बाट १ सय ८२ जना जटिल खालका बिरामी भेटिएको र उनिहरुलाई काठमाडौं सम्म लगेर उपचार गराउन नगरपालिका तयार रहेको नगरपालिका प्रमुख अम्बिका चलाउनेले बताइन्।
पञ्चदेवल विनायक नगरपालिकाकाे आयाेजना र काठमाडौं मेडिकल कलेजको सहजीकरणमा सञ्चालन भएको शिविर समापन समाराेहमा बाेल्दै नगरप्रमुख चलाउनेले यस क्षेत्रको स्वास्थ्य सेवामा निरन्तर चिन्ता लिइरहने बताइन् ।
नागरिककाे स्वास्थ्य राम्रो भए मात्रै सबै थाेक स्वस्थ हुने भएकाले आफू पदमा रहे नरहेपनि निरन्तर गुणस्तरीय स्वास्थ्य सेवा प्रवाहमा जाेड दिने नगरप्रमुखकाे भनाई छ ।
यस्तै समापन कार्यक्रममा नगरउपप्रमुख हर्क रावलले नगरको स्वास्थ्य सेवामा ठुलाे टेवा पुगेको अपेक्षा गरेका छन् ।
नगरपालिका भित्रका थुप्रै असहाय,अपांग आर्थिक स्थिति न्यून भएकाहरुका लागि स्वास्थ्य शिविर ठुलाे राहत भएको बताए ।
उपलब्ध सेवाहरु
