अछाम: सुदूरपहाडमा फागु पुर्णिमा धुमधामका साथ मनाईएको छ । पहाडी जिल्ला अछाम लगायत विभिन्न ठाउँमा फाल्गुन २२ र २३ गते हर्षोल्लासका साथ होली होरी पर्व मनाईएको हो ।

विनायक,तिमिल्सेन,रामारोशन,मंगलसेन लगायतका ठाउँहरुमा विशेषगरी मनाइने होरीमा पछिलो केहि बर्ष यता बिस्तारै मौलिकता हराउँदै गएको पाइएको छ ।
एकआपसमा रंग खेल्दै रंगीन पर्वको रुपमा मनाइने होरी पछिल्लो युवा पुस्ताले चाँसो नदेखाएको भन्दै मंगलसेनका जेष्ठ नागरिक तथा अछामी होरीका जानकार कर्ण बहादुर केसीले चिन्ता व्यक्त गरेका छन् ।

अछामी होरीको इतिहास नजिकबाट बुझेका ७० बर्षीय केसीका अनुसार पछिल्लो दसक चाडपर्वको मौलिकता हराएको छ । सभ्यता विर्सिएको छ । संस्कृतिको हरण भएको छ । साठीको दशकमा खेलिने अछामी होरी र अहिले खेलिने होरी बिच धेरै भिन्नता छ ।

अछामी मौलिक पहिचान संग जोडिएको यस पर्वको पुरानो लय फर्किने सम्भावना निकै कम छ । पछिल्लो युवा पुस्ताले यसको संरक्षण गर्न अपरिहार्य छ ।

कर्ण बहादुर केसी संग हामीले यस पर्वको महत्व र इतिहास बारे कुराकानी गरेका छौँ
सुनौ यो कुराकानी