अछाम : तुर्माखाँद गाउँपालिकामा भएको मा.वि विद्यालय स्तरीय १४ औँ राष्ट्रपति रनिङ्ग शिल्ड छनौट प्रतियोगितामा सिद्धेश्वरी मा.वि धमाली प्रथम भएको छ ।
विभिन्न ३० विधामा भएको खेलमा १५ वटा विधामा प्रथम भएर सिद्धेश्वरी माविले शिल्ड जितेको हो ।
छनौट प्रतियोगितामा कालिकेश्वरी मा.वि,तुर्माखाँद ७ विद्या सहित द्वितीय भएको छ भने ३ विद्या हासिल गर्दै विन्देवासिनी मा.वि भैरवस्थान तृतीय भएको छ ।
तुर्माखाँदकाे केन्द्र बाट निकै टाढा विकट वडाको रूपमा रहेको वडा नम्बर १ रहफमा पौष २५ गतेदेखि सुरु भएको खेलमा पालिकाका १२ वटा माद्यामिक विद्यालयका खेलाडीहरूले प्रतिस्पर्धा गरेका हुन ।
वडा नम्बर १ रहफका वडा अध्यक्ष उपेन्द्र बहादुर रावलको अध्यक्षतामा समापन तथा पुरस्कार वितरण समारोह सम्पन्न भएको छ ।
कार्यक्रममा गाउँपालिका अध्यक्ष डम्बर बहादुर बिसी प्रमुख अतिथि रहेका थिए । आगामी दिनमा गाउँपालिका भित्रका खेलाडीहरूको क्षमता अभिवृद्धिका लागी पालिकाले योजना बनाएर काम गर्ने बताए ।
साथै माघ १ गते बाट जिल्ला स्तरीय खेलमा छनौट भएका विभिन्न विद्यामा भएका खेलाडी हरू लाई बन्द प्रशिक्षण गर्ने गरी तयारी गरिने भएकाले सम्पूर्ण खेलाडीहरूलाई कुनै कमी हुन नदिने प्रतिबद्धता समेत गरे ।
अन्य अतिथिहरू वडा नं.८ का वडा अध्यक्ष निरक शाही,कार्यपालिका सदस्य मञ्जु थापामगर, विभिन्न पार्टीका प्रमुख तथा प्रतिनिधि,समाजसेवी लगायत खेलप्रेमि महानुभावको सहभागिता रहेको थियो ।
प्रतिक्रिया