अछाम : बाजुराको बुढीगंगा नगरपालिका वडा नं. ७ मा रहेको शान्तिदिप पब्लिक स्कुलले नर्सरी देखि कक्षा ६ सम्म उत्कृष्ट नतिजा ल्याउने जेहेन्दार बिद्यार्थीलाई छात्रबृद्धि दिने भएको छ । बिगत १५ बर्ष देखि शैक्षिक क्षेत्रमा अग्रणी भुमिका खेल्दै आएको शान्तिदिपले सो छात्रबृद्धिको घोषणा गरेको हो ।

नवबर्ष २०८१ सालको पठनपाठनका लागि नर्सरी देखि ६ कक्षा सम्मका लागि नयाँ भर्ना खुले संगै उक्त घोषणा गरेको हो । कक्षामा उत्कृष्ट हुने जेहेन्दार बिद्यार्थीलाई छात्रबृद्धि दिने र असाह्य, गरिब परिवारका बिद्यार्थीलाई छुटको समेत व्यावस्था गरिएको बिद्यालयका प्रधानाध्यापक सन्तोष भण्डारीले बताए ।

बिद्यालयको आफ्नै सुबिधा सम्पन्न, भुकम्प प्रतिरोधी दुई तले पक्की भवन रहेको छ भने दक्ष, अनुभवि तथा तालिम प्राप्त शिक्षक, शिक्षिकाहरु द्धारा अध्ययन, अध्यापन गराउदै आईरहेको छ ।

पुर्वाधारहरु बालमैत्रि रहेको बिद्यालयले अतिरिक्त क्रियाकलापहरुमा बिशेष जोड दिदै आईरहेको छ । बिधार्थीहरुलाई उनिहरुको मानसिक, शारिरिक र संवेगात्मक विकासमा ध्यान दिदै पारिवारिक वातावरणमा पढाउदै आईरहेको छ ।

हरेक बर्ष विभिन्न धार्मीक तथा ऐतिहाँसिक क्षेत्रहरुको शैक्षिक तथा अवलोकन भ्रमण गराँउदै आईरहेको बिद्यालयमा स्वच्छ र पर्याप्त खानेपानीको व्यबस्था रहेको छ । बालमैत्रि शौचालयहरुको व्यबस्था रहेको बिद्यालयको आफ्नै पुस्तकालय रहेको छ ।

कम्प्युटर प्रयोगशालाका साथै २४ घण्टा ईन्टरनेटको ब्यवस्था रहेको बिद्यालयमा पर्याप्त खेल मैदानको व्यवस्था रहेको छ भने नर्सरीका बालबालिकाहरुलाई मण्टेश्वरी पद्धती द्धारा पठनपाठन गराँउदै आईरहेको छ ।

आफ्ना बालबालिकालाई बिद्यालय पठाउने र राम्रो शिक्षा दिलाउन चाहनेहरुका लागि बाजुराको बुढीगंगा ७ मा रहेको शान्तिदिप उत्कृष्ट गन्तव्य हुन सक्छ् ।