पूर्णबहादुर खड्का,फागुन २४ अछाम । 

अछाम जिल्लाको बयालपाटा अस्पतालमा फागुन १९ गते देखि सुरु भएको निशुल्क स्वास्थ्य शिबिर आज सम्पन्न भएको छ । महेन्द्र कुवँर प्रतिष्ठान अछामको आयोजना एवंम बयालपाटा अस्पतालको समन्वयमा भएको निशुल्क स्वास्थ्य शिबिरमा २१ सय ५७ जनाले सेवा लिएका छ ।

शिबिरमा स्त्री तथा प्रसुती तर्फ ५ सय १९ जनाले सेवा लिएका थिए भने आँखा उपचार तर्फ १६ सय ३८ जनाले सेवा लिएका छन् । शिबिरमा पाठ्यघरमा समस्या भएका ४ जना महिलाको शल्यक्रिया भएको थियो भने २ सय ७० जनाको आँखाको शल्यक्रिया भएको बयालपाटा अस्पतालका सहायक मेडिकल निर्दैशक डाक्टर पवन कुमार अग्रवालले बताउनु भयो । शिबिर मार्फत २ सय भन्दा बढीलाई चस्मा समेत बितरण गरिएको आयोजकले जनाएको छ ।

अछाम तथा छिमेकी जिल्लाको स्त्री तथा आँखाको स्वास्थ्य अवस्था बुझेर निशुल्क स्वास्थ्य शिबिरको आयोजना गरिएको प्रतिष्ठानले जनाएको छ । यस क्षेत्रका जनताको आर्थिक स्थित कमजोर हुनुका साथै नजिकै राम्रो गर्न प्रयाप्त सेवा सुबिधा नहुनु र उपचारका लागि टाढा जाने स्थिति समेत कम भएकाले जिल्लामै निशुल्क स्वास्थ्य शिबिरको आयोजना गरिएको प्रतिष्ठानका अध्यक्ष महेन्द्र कुवँरले बताउनु भयो ।

शिबिर सफलतापूर्वक सम्पन्न भएको भन्दैँ प्रतिष्ठानका अध्यक्ष कुवँरले शिबिरमा प्रत्यक्ष अप्रत्यक्ष रुपमा सहयोग गर्नैलाई धन्यवाद समेत ज्ञापन गर्नुभएको छ । बिशेषगरी बयालपाटा अस्पतालले गरेको समन्वयले समेत शिबिर सफलतापूर्वक सम्पन्न भएकोमा उहाँले प्रशंसा व्यक्त गर्नुभयो । साथै उहाँले आगामी दिनमा समेत यस्तै सामाजिक कार्य गर्ने प्रतिबद्धता समेत व्यक्त गर्नुभयो । 

यसैबिच प्रतिष्ठानले जिल्लाका बिभिन्न बिद्यालयमा खेलकुदका सामान वितरण र योय शिक्षा सिविर पनि सञ्चालन गरेको छ । जिल्लाका त्रिपुरा सुन्दरि मावि, सुर्यचन्द्रमावि कालिमाटि, वैजनाथ मावि पायल, दयापिपल तोला मावि लुंग्रा, शान्तिमा वि मार्क, सिउडी मावि सिउडि, जनकल्याण मावि, महेन्द्र मावि, हिमालय मावि, सरस्वति मावि जयगड र प्रभा धम्कोट माविमा खेलकुदका सामाग्री बितरण गरिएको प्रतिष्ठानले जनाएको छ ।

प्रत्येक विदलयमा २ बल र एकओटा नेट हस्तान्त्ररण गरिएको अध्यक्ष कुवँरले बताउनु भयो । साथै योग शिविर गुरु लोकानाथ खनाल सहितको टोलिले योग शिक्षा पनि प्रतिष्ठान मार्फत संचालन गरिएको थियो ।

अमेरिकामा बस्ने कुवँरले सेवाभावले प्रतिष्ठान बनाई आफ्नो जन्मथलोमा यस क्षेत्रका जनताको लागि विभिन्न समयमा निशुल्क रुपमा यस्तै रचनात्मक काम गर्दै आईरहनु भएको छ ।