फागुन ३०, अछाम ।
चौरपाटी गाउँपालिका अध्यक्ष हर्क बहादुर साउदले सीप सिकेर आत्म निर्भर बन्नु पर्नेमा जोड दिनु भयो ।

शुक्रबार चौरपाटी गाउँपालिका वडा नं ४ पायलमा तीन महिने होजियारी तालिमको अनुगमन गर्दै अध्यक्ष साउदले तालिमबाट सीप सिकेर स्वरोजगार सृजना हुने हुदा ध्यान पूर्वक सीप सिक्न आग्रह गर्नु भयो ।

अध्यक्ष साउदले सीप सिकेर ब्यसायी बने ब्यवसायीले निर्माण गरेका सामाग्री गाउँपालिका खरिदका लागि पहल गर्ने समेत बताउनु भयो । यस्तै गाउँपालिका उपाध्यक्ष माया कुँवरले महिलाहरुको क्षमता बृद्विका लागि सीप तालिमको आयोजना गरे पनि सोचे जस्तो सदुपयोग नभएको भन्दै होजियारी तालिमबाट ब्यवसायी हुन आग्रह गर्नु भयो ।

उपाध्यक्ष कुँवरले किश्वोरी तथा महिलाहरुले तालिमले आत्मनिर्भर तथा स्वरोजगार बनाउने भन्दै किश्वोरी सीप सिकेर ब्यवसायी बने गाउँपालिकाले सहयोग गर्ने बताउनु भयो ।

सीप सिकौँ रोजगार मुखी बनौँ भन्ने नाराका साथ गरिबी निवारणका लागि उद्युउद्यम विकास कार्यक्रम मेड्पा द्वारा सञ्चालित तीन महिने होजियारी तथा बुनाई सीप विकास तालिमको आयोजना गरिएको छ ।

तालिममा वडा नं ४ पायलका ४९ जना किश्वोरीको सहभागिता रहेको छ । सृजनशिल गोदावरी महिला समाज शाखा कार्यालय अछामको आयोजना तथा घरेलु तथा साना उद्योग विकास समिति मंगलसेन अछामको सहयोगमा तालिम सञ्चालन भएको हो ।