अछाम – नेपाली काग्रेस अछामले कोरोना भाईरस कोभिड १९ को सक्रमणको जोखिम बढिरहेका बेला उच्च सर्तकर्ता अपनाउन आग्रह गरेको छ ।

नेपाली काग्रेस अछामले आज एक प्रेस बिज्ञप्ती जारी गर्दे बिषेश गरी भारतमा गाउ फर्किएकाहरुलाई मुलुकको बिषम परिस्थीतिलाई बुझि कम्तीमा पनी १४ दिनसम्म क्वारेन्टाईनमा बसिदिन आग्रह गरेको छ ।

सभापति भरत कुमार स्वार र सहसचिब बेदप्रकाश तिमिल्सेनाद्धारा हस्ताक्षरित बिज्ञप्तीमा घरको आगन,घरको छेउछाउमा खन्दा भेटिएको कोईला लगाएमा कोरोना सक्रमण नहुने जस्ता भ्रामक हल्ला फैलिरहेकोले त्यसको पछाडि नलाग्न र लक डाउनको पुर्ण पालना गर्न अपिल गरिएको छ ।

बिज्ञप्तीमा कोरोना बिरुद्धको अभियानमा लाग्न सम्पुर्ण कार्यकर्तालाई भनिएको छ । जिल्लामा केन्द्र र प्रदेश सरकारको गैरजिम्मेवार प्रवृत्तिका कारण कोरोना कोभिड–१९ को रोकथाम र उपचारमा चाहिने व्यक्तिगत सुरक्षा उपकरण (पीपीई) लगायता अत्यावश्यक सामाग्री जिल्लाका अस्पताल, स्वास्थ्यचौकी, क्वारेन्टाइन, आइसोलेसन केन्द्र , सहायता कक्षमा उपलब्ध हुन नसकेको भन्दै तत्काल उपलब्ध गराउन बिज्ञप्ती मार्फत माग गरेको छ ।