नेपाल सरकारले आगामी २०७७ सालमा ३६५ दिनमा करिब ७८ दिन सार्वजनिक बिदा दिने भएको छ ।
गृह मन्त्रालयका अनुसार सरकारले १० प्रकारका सार्वजनिक बिदा दिने भएको हो । उक्त बिदा जात, लिङ्ग र क्षेत्र अनुसार फरक फरक हुने भएका छन् ।
यो बिदा २०७७ वैशाख १ गते देखि लागु भई चैत्र मसान्तसम्म लागु हुने भएको छ ।
मन्त्रालयले २०७७ मा ५२ दिन शनिबार, पर्व बिदा, महिलाका लागि हरितालिका, जितीया पर्व मनाउने महिलालाई बिदा दिने भएको छ । पर्व बिदा विभिन्न ठाउँमा फरक फरक हुने कतिपयले ७८ दिन सार्वजनिक बिदा पाउने र कतिपयले केही दिन कम पाउने मन्त्रालयले जानकारी दियो ।
मन्त्रालयका अनुसार शिक्षण संस्थाहरूलाई मात्र बसन्त पञ्चिमीका दिने बिदा दिने भएको छ ।
त्यस्तै जात्रा बिदा, दशैं बिदा, तिहार बिदा, दिवस बिदा, अपाङ्ग कर्मचारीलाई छुट्टै बिदा,जन्म जयन्ती बिदा र राष्ट्रिय रुपमा मनाइने तर कार्यालय खुल्ने बिदा दिने भएको हो ।
प्रतिक्रिया