अछाम । पाटन जेसिजले नेपाल जेसिजको बर्ष २०२१ का लागि राष्ट्रिय कार्यकारिणी उपाध्यक्ष पदमा बर्ष २०१८ का शाखा अध्यक्ष जेसी सुमन कृष्ण श्रेष्ठलाई अघि सारेको छ । सन् २०१९ मा राष्ट्रिय उपाध्यक्ष पदमा रही काम गरिसकेका क्रियाशिल जुझारु यूवा श्रेष्ठलाई अघि सारेको हो ।

युवाहरुको मन जित्दैँ, रचनात्मक काम गर्दै अघि बढेका जेसी श्रेष्ठ आफ्नो शाखा पाटन जेसिज ५० औँ बर्ष उत्सवको अवसरमा राष्ट्रिय कार्यकारिणी उपाध्यक्षका पदका लािग अघि बढेका छन् । जेसिज मनहरुका माझमा निकै लोकप्रिय रहेका जेसी श्रेष्ठलाई सहजै जित हासिल गर्न सकिने अनुमान गर्न थालिएको छ ।

शाखाले उनलाई बोर्ड बैठक मार्फत राष्ट्रिय कार्यकारिणी उपाध्यक्ष पदका रुपमा अघि सारेको हो । यतिबेला जेसिज ईतिहासमा शाखाले ५० बर्ष पुरा गरेको सन्र्दभमा विभिन्न कार्यक्रमहरु समेत गर्दै आएको छ ।

नेपाल जेसिजका शाखाहरुमा पाटन जेसिज धेरै नै क्रियाशिल रुपमा लागिरहेको छ । उसले बिभिन्न रचनात्मक काम गर्दे आफुलाई अब्बल शाखाका रुपमा स्थापित गरेको छ । देश लकडाउनको चेपुवामा रहेको बेला पनि पाटन जेसिजले आधुनिक यूगमा सुचना प्रविधिको प्रयोग गर्दै अनलाईन मार्फत समेत कामलाई निरन्तरता दिएको बर्ष २०२० का शाखा अध्यक्ष डेजि नापितले बताईन ।

५० बर्ष देखि स्थानिय, राष्ट्रिय र अन्तराष्ट्रिय स्तरमा नेतृत्व एवं व्यक्तित्व विकासलाई एउटा बेग्लै उचाईमा पुर्याएको पाटन जेसीजले आफ्नो ५० औं स्वर्ण जयन्ती वर्षमा जेसी श्रेष्ठलाई अघि सारेको शाखा अध्यक्ष नापितले बताईन ।

आँखामा राख्दा पनि नबिझाउने, मित्रता, सद्भाव एंव सहयोगका लागी सदैब तत्पर, हरेक जेसीज–मन सँग जोडिनुभएको, पूर्वको बाहुनडाँगी देखी पश्चिमको कर्णाली, महेन्द्रनगर र अछाम सम्मको साथीहरुको ढुकढुकी जेसी श्रेष्ठलाई नेपाल जेसीज वर्ष २०२१ का लागि अघि सारिएको उनको भनाई छ ।

अध्यक्ष नापितले श्रेष्ठलाई जिताउन साथ, सहयोग र मतको अपेक्षा राख्दै अत्यधिक बहुमतले बिजयी बनाउन जेसीजमनहरुमा अनुरोध समेत गरेकी छन् ।