जिल्लामा हालसम्म ४ जनाको मृत्यु
अछाम : जिल्लामा बिहिबार १० जना कोरोना संक्रमित थपिएका छन् । १ महिला र ९ पुरुष सहित १० जना कोरोना संक्रमित थपिएका कमलबजार प्रयोगशालाले जनाएको छ ।
नयाँ कोरोना संक्रमित थपिनेमा जिल्लाको मंगलसेन नगरपालिकाका ४ जना पुरुष, साँफेबगर नगरपालिकाका १ महिला र २ पुरुष गरी ३ जना, बान्नीगढी जयगढ गाँउपालिकाका ३ जना पुरुष रहेका छन् ।
यस्तै बान्नीगढी जयगढ गाँउपालिकाका ३ जना पुरुषमा पुन परिक्षणमा समेत कोरोना पोजेटिभ देखिएको प्रयोगशालाका सुचना अधिकारी टेक बहादुर बिष्टले बताए ।
प्रयोगशाला स्थापना भएपश्चात कमलबजार पिसिआर प्रयोगशालामा आजसम्म २ हजार ५३ जनाको कोरोना परिक्षण गरिएकोमा १ सय ८५ जना संक्रमित भेटिएका छन् ।
यस्तै ४५ जनाको पुन परिक्षण गरिएकोमा १८ जनाको दोश्रो पटक समेत कोरोना पोजेटिभ देखिएको प्रयोगशालाद्धारा जारी प्रेस विज्ञप्तीमा जनाईएको छ ।
जिल्लाभरीबाट १० हजार ९ सय ५४ जनाको स्वाब संकलन गरी परिक्षण गरिएकोमा अछाममा हालसम्म १२ सय २२ जनामा कोरोना संक्रमण देखिएको स्वास्थ्य कार्यालय अछामका सुचना अधिकारी देव जोशीले बताए ।
सुचना अधिकारी जोशीका अनुसार ११ सय ५५ जना निको भएर घर फर्किसकेका छन् भने जिल्लामा सक्रिय संक्रमितको संख्या ६३ रहेको छ । कोरोनाका कारण अछाम जिल्लामा हालसम्म ४ जनाको मृत्यु भईसकेको छ ।
प्रतिक्रिया