अछाम : जिल्लामा कोरोना रोकथाम र नियन्त्रणको अर्गमोर्चामा खटिएका स्वास्थ्यकर्मीलाई कोरोना संक्रमण भएको छ ।

स्वास्थ्य कार्यालय अछामका प्रमुख झनकराज ढुंगाना, सुचना अधिकारी देव जोशी, पञ्चदेवल बिनायक नगरपालिकाका स्वास्थ्य शाखा प्रमुख लक्ष्मिकान्त बजगाँई र बान्नीगढी जयगढ गाँउपालिकाका स्वास्थ्य शाखा संयोजक बसन्त रावललाई कोरोना संक्रमण भएको कमलबजार पिसिआर प्रयोगशालाका सुचना अधिकारी टेक बहादुर बिष्टले बताए ।

बिष्टका अनुसार चारै जनालाई शुक्रबार कमलबजारमा पिसिआर प्रयोगशालामा भएको परिक्षणमा कोरोना पुष्टी भएको हो । आफ्नो स्वास्थ्य अवस्था सामान्य रहेको र सुरक्षित होम आईश्वलेसनमा बसेको सुचना अधिकारी जोशीले बताए ।

स्वास्थ्य प्रमुख ढुंगाना अछाममा सुरुवात देखि नै कोभिड रोकथाम र नियन्त्रणका लागि अर्गमोर्चामा रहेर खटिएका थिए भने सूचना अधिकारी जोशी र स्वास्थ्य शाखा प्रमुख बजगाँई र रावल समेत जिल्ला सक्रिय रहेर काम गरिरहेका छन्।

कोरोना संक्रमण भएपछि सबै जना सुरक्षित होम आईश्वलेशनमा बसेका छन् । स्वास्थ्यमा सामान्य रुघाखोकी बाहेक अन्य अवस्था सामान्य रहेको उनीहरुले सुदूरआजलाई बताएका छन् ।