काठमाडौं । यातायात व्यवस्था विभाग र यातायात व्यवसायीबीच छलफल सुरु भएको छ । दसैँ नजिकिँदै गर्दा अग्रिम टिकट बुकिङबारे छलफल सुरु भएको हो ।

विभागका प्रवक्ता लोकनाथ भुसालका अनुसार असोजको दोस्रो सातादेखि अग्रिम टिकट बुकिङ खोल्ने तयारी छ । ‘‘अहिले यातायात व्यवसायी र विभागबीच छलफल भइरहेको छ । कहिलेदेखि खुलाउने भनेर औपचारिक निर्यण भइसकेको छैन,” उनले भने ।

विभागका अनुसार औपचारिक निर्णय भोलि वा पर्सि (बिहीबार) सार्वजनिक गरिनेछ ।