काठमाडौं । पशुपतिनाथको मन्दिर भोलि (शुक्रबार)बाट खुला हुने भएको छ । भोलिबाट भक्तजनले पशुपतिनाथको मन्दिरमा पूजा तथा दर्शन गर्न सक्ने पशुपति क्षेत्र विकास कोषले जनाएको छ ।
जिल्ला प्रशासन कार्यालय काठमाडौंको २०७८/१०/२३ मा जारी आदेश अनुसार मन्दि खुला गर्ने निर्णय गरिएको कोषले स्पष्ट पारेको छ । जिल्ला प्रशासन कार्यालय काठमाडौंको आदेशमा मठ, मन्दिर, मस्जिद, गुम्वा, चर्चलगायत स्थलहरुमा जनस्वास्थ्य मापदण्ड पालना गरी एक पटकमा ५० जनाभन्दा बढी नहुने गरी पूजा, ध्यान वा प्रार्थना गर्न गराउन सकिने उल्लेख छ ।
“आम दर्शनार्थी एवं भक्तजनहरुको गुनासोलाई समेत मध्यनजर राखी विश्व स्वास्थ्य संगठन र नेपाल सरकारले तोकेका स्वास्थ्य सुरक्षाका मापदण्ड पालना गर्ने गरी पशुपतिनाथको मन्दिर भक्तजनहरुको दर्शनका लागि मिति २०७८/१०/२८ गते शुक्रवारका दिनदेखि खुला गरिने व्यहोरा सबैलाई जानकारी गराइएको छ,” एक सूचना जारी गर्दै कोषले भनेको छ ।
![No description available.](https://scontent.fbwa1-1.fna.fbcdn.net/v/t1.15752-9/273500749_1326906764492781_3218340285669781322_n.jpg?_nc_cat=103&ccb=1-5&_nc_sid=ae9488&_nc_ohc=goUY6jz0JNYAX_Ef1ov&_nc_ht=scontent.fbwa1-1.fna&oh=03_AVLT14A0V1B-wRbExFsS4qpaFOfe6soabn_9bE6T_wVkWA&oe=62297C7E)
प्रतिक्रिया