‘संघसंस्थालाई दुर्गममा समेत काम गर्न सरोकारवालाको सुझाब‘

अछाम : वल्र्डभिजन इन्टरनेश्नल नेपाल, आस्था नेपाल र वाक नेपालले संचालन गरेका परिरयोजना अन्र्तगत भएका क्रियाकलापहरुको अनुगमन गरिएको छ । जिल्ला परियोजना सल्लाकार समिति तथा सरोकारवालाहरुले परियोजना लागु भएका अछामका बिभिन्न पालिकाहरुमा अनुगमन गरिएको हो ।

जिल्लाको साफेवगर नगरपािलका, मेल्लेख गापालिका, पञ्चदेवल बिनायक नगरपालिका र कमलवजार नगरपािलकामा संस्थाले गरेका कियाकलापहरुको अनुगमन गरिएको आस्था नेपालका अनुगमन अधिकृत हर्क खड्काले बताए । ति पालिकामा संचालित बाल स्पाेन्सरसिप तथा बालसंरक्षण र उत्थानशिल जिबिकोपार्जन तथा पोषण परियोजनाको कार्यक्षेत्रमा भए गरेका कियाकलापहरूकाे फिल्ड अनुगमन गरिएको थियो।

साँफेबगरमा भण्डारी गाँउ, मेल्लेखमा वडा नं. ७ नन्देगडा, कमलबजार नगरपालिकाको वडा नं. ४ चाल्सा र बिनायकमा अनुगमन गरिएको उनले बताए । अनुगमनका क्रममा देखिएका राम्रा कामहरुको प्रशंसा गरिएको थियो । साथै अनुगमनमा सहभागी सरोकारवालाहरुले आगामी दिनमा पनि स्थानीय सरकार संग समन्वय गरेर जानु पर्ने बताएका थिए ।

अनुगमन पश्चात जिल्ला परियोजना सल्लाहाकार समितिको बैठकमा फिल्ड अनुगमनको समिक्षा गरिएको थियो । साँफेबगर नगरपालिकाका नगर प्रमुख राजेन्द्र बहादुर कुवरले आस्था नेपाल, वाक नेपाल र वल्डभिजनले कार्य क्षेत्र विस्तार गरी गरिब परिवारको हितमा काम गर्न आग्रह गरे । आगामी दिनमा साफेवगर नगर संघ संस्था संग मिलेर काम गर्न पछि नहट्ने बताए ।

अछामका सहायक प्रमुख जिल्ला अधिकारी मनिराज आचार्यले स्थानीय सकारले संघ संस्थाको कामको अपन्वत्य नलिएको बताए । समिक्षाको क्रममा संघ संस्थाले गरेको कामको मुल्याकन गदै आगामी दिनमा आवश्यक सहयोग गर्ने साफेवगर नगरपालिकाका नगर उपप्रमुख शिव बहादुर कुवँरले बताए ।

मेललेख गाँउपालिका उपाध्यक्ष नृप बहादुर खडकाले संस्थाले गरेका कामको प्रशंसा गरेका थिए भने आगामी दिनमा समेत निरन्तरताको आवश्यक्ता औल्याएका थिए । नेपाल प्रेस यूनियनका केन्द्रिय सचिव मेनका ढुगानाले संघसंस्थाहरु दुर्गम ठाँउमा नभई सदरमुकाम र आसपासमा मात्रै कार्यक्रम गर्ने गरेको भन्दै आगामी दिनमा जिल्लाका दुर्गम भेगमा कार्यक्रम संचालन गर्न सुझाब दिईन् ।

जिल्ला परियोजना सल्लाहाकार समितिको बैठकलाई समापन गर्दै जिल्ला समन्वय समिति अछामका प्रमुख ललित बहादुर कुँवरले संघसंस्थाले गरेको कामलार्इ धन्यवाद दिदैँ आगामी दिनमा दुर दराजमा समेत काम गर्न सुझाब दिए ।