अछाम : स्वास्थ्य कार्यालय अछामले दुर्गम क्षेत्रमा स्वास्थ्य शिबिर अभियान सुरु गरेको छ । जिल्लाका दुर्गम क्षेत्रका नागरिकलाई स्वास्थ्यमा सहज पहुँच होस् भन्ने हेतुले निशुल्क स्वास्थ्य शिविर सुरु गरिएको स्वास्थ्य कार्यालय अछामले जनाएको छ ।
पहिलो चरण अन्र्तगत ढकारी गाउपालिकामा स्वास्थ्य शिबिर गरिएको छ । ढकारी गाँउपालिकाको सहयोग तथा समन्वयमा पालिका वडा न ४ को मैकाडाडा र ५ को बलातामा निशुल्क स्वास्थ्य शिविर गरिएको स्वास्थ्य कार्यालय अछामका प्रमुख बरिष्ठ जनस्वास्थ्य अधिकृत झनक ढुंगनाले बताए ।
शिविरबाट करिव ७ सय भन्दा बढि नागरिकले सेवा लिएका उनले बताए । शिविरमा प्रजनन स्वास्थ्य सम्बन्धि समस्या, आँखाको समस्या लगायत विभिन्न रोगको उपचार तथा ब्यवस्थापन गरिएको थियो ।
बिध्यालयका बिध्यार्थिहरूको आँखा जाँच समेत गरिएको थियो । शिबिरमा चिकित्सक, नर्सिङ लगायत १५ जना भन्दा बढिले टिमले सेवा दिईरहेका छन् । पालिकाका अन्य ठाँउमा समेत शिबिर सञ्चालन गरिने पालिका अध्यक्ष प्रकाश साँउदले बताए ।
![](https://i0.wp.com/sudooraaja.com/wp-content/uploads/2023/11/dhakari.jpg?resize=720%2C323&ssl=1)
![](https://i0.wp.com/sudooraaja.com/wp-content/uploads/2023/11/dhakari1.jpg?resize=720%2C323&ssl=1)
![](https://i0.wp.com/sudooraaja.com/wp-content/uploads/2023/11/dhakari2.jpg?resize=720%2C323&ssl=1)
प्रतिक्रिया