अछाम : अछाम जिल्लामा राष्टिय स्वास्थ्य सेवा दिवस बिभिन्न कार्यक्रम गरि मनाईएको छ । २६ औँ स्वास्थ्य सेवा दिवसको अवसरमा जिल्ला सदरमुकाम मंगलसैन बजार सरसफाई गरिएको हो ।

स्वास्थ्य कार्यालय अछामको आयोजनामा मनाईएको स्वास्थ्य सेवा दिवसको अवसरमा मंगलसेनमा ब्याडमिण्टन प्रतियोगिता समेत आयोजना गरिएको स्वास्थ्य कार्यालय अछामका प्रमुख बरिष्ठ जन स्वास्थ्य अधिकृत झनक राज ढुंगानाले बताए ।

दिवसको अवसरमा बोल्दै प्रमुख ढुंगानाले सबै जनस्वास्थ्यकर्मी र स्वास्थ्यकर्मीलाई गुणस्तरिय स्वास्थ्य सेवा दिन प्रेरित होस् भन्ने कामना गरेका छन् । सबै नागरिकले गुणस्तरिय सेवा पाउनुर्निेमा उनको जोड थियो ।

कार्यक्रममा जिल्ला समन्वय समिति अछामका प्रमुख ललित बहादुर कुँवर, मंगलसेन नगरपालिकाका नगर प्रमुख पदम बहादुर बोहरा लगायतको सहभागिता रहेको थियो ।

दक्ष जनशक्ती गुणस्तरिय स्वास्थ्य सेवा, निरोगी नेपाल निर्माणमा हाम्रो टेवा भन्ने मुल नाराका देशभर बिभिन्न कार्यक्रम गरि स्वास्थ्य सेवा दिवस मनाईदैँछ । दिवसको अवसरमा बयालपाटा अस्पतालमा समेत कार्यक्रम गरिएको अस्पतालले जनाएको छ ।

नेपालमा २०५३ साल फाल्गुन १५ गते देखि स्वास्थ्य सेवा ऐन लागू भएको अवसरमा हरेक बर्ष फागुन १५ गते स्वास्थ्य सेवा दिवस मनाउन शुरू गरिएको हो ।